Qazaqstan men Italıanyń áskerı álpınıseri Nursultan shyńyn baǵyndyrdy, dep habarlaıdy Almaty-akshamy.kz Inform.kz-ke silteme jasap.
Italıa Qarýly kúshteriniń álpınıserimen tájirıbe almasý aıasynda Tuıyq-Sý shatqalynan – Myńjylqy ústirti – Nursultan shyńy baǵyty boıynsha tórt myń metrge (4330,9 m) shyqty.
Jıyn Taý daıyndyǵy oqý-jattyǵý ortalyǵynda qazaqstandyq Arnaıy operasıalyq kúshter áskerı qyzmetshileri men taýdaǵy praktıkalyq operasıalarda tájirıbesi bar ıtalándyq nusqaýshylardyń qatysýymen ótti.
Atalǵan shara jaýyngerlik tapsyrmalardy oryndaý kezinde áskerı qyzmetshilerdiń taý daıyndyǵy men tózimdilik deńgeıin arttyrýǵa baǵyttalǵan. Sabaqta bólimshelerdiń taýdaǵy qozǵalysy kezindegi qaýipsizdik sharalaryna erekshe kóńil bólindi. Jıyn qatysýshylaryna tıisti sertıfıkattar tabys etildi.
Bul Qazaqstan men Italıa arasyndaǵy áskerı yntymaqtastyqtyń alǵashqy tájirıbesi emes. 2013 jyly shilde aıynda elimiz Qarýly kúshteri Qurlyq áskerleriniń bólimsheleri Italıanyń Alpi taýlarynda ótken taý bólimsheleriniń «Falzarego» oqý-jattyǵýyna qatysqanyn aıta ketý kerek.