Qujat neǵurlym tyǵyz yntymaqtastyqty damytýǵa arnalǵan.
Senattyń jalpy otyrysynda «2018 jylǵy 17 mamyrdaǵy Bir taraptan EAEO men oǵan múshe memleketter jáne ekinshi taraptan Iran arasyndaǵy erkin saýda aımaǵyn qurýǵa alyp keletin ýaqytsha kelisimge hattamany ratıfıkasıalaý týraly» Zań qabyldandy, dep habarlaıdy Almaty-akshamy.kz QazAqparatqa silteme jasap.
Hattamanyń maqsaty - ýaqytsha Kelisimniń qoldanylý merzimin 2025 jylǵy 27 qazanǵa deıin uzartý jáne taraptar arasyndaǵy preferensıalyq saýda rejıminiń alshaqtyǵyna jol bermeý.
«Hattama Eýrazıalyq ekonomıkalyq odaqqa múshe memleketter men Iran arasyndaǵy ekonomıkalyq qarym-qatynastardy nyǵaıtýdy kózdeıdi. Qabyldanǵan zań Qazaqstan men Iran arasyndaǵy taýar aınalymynyń ulǵaıýyna oń áser tıgizedi dep senemiz», - dedi Senat tóraǵasy Máýlen Áshimbaev.
Senattyń Ekonomıkalyq saıasat, ınovasıalyq damý jáne kásipkerlik komıtetiniń málimetinshe, bul qujat birqatar taýarlar boıynsha tarıftik jáne tarıftik emes kedergilerdi azaıtý arqyly elder arasyndaǵy taýarlar saýdasyn yryqtandyrýǵa jáne ońaılatýǵa baǵyttalǵan.
Sonymen qatar erkin saýda aımaǵyn qalyptastyrý úshin negiz qurýǵa baǵyttalǵan, onyń aıasynda halyqaralyq qaǵıdalarǵa, standarttarǵa jáne praktıkalarǵa sáıkes, taraptar arasyndaǵy saýdaǵa qatysty bajdar men saýdany retteýdegi ózge de shekteý sharalary joıylatyn bolady.
Kelisim memleketter arasyndaǵy ekonomıkalyq jáne saýda-sattyqtaǵy ózara is-qımyldy qoldaýǵa, neǵurlym tyǵyz yntymaqtastyqty damytýǵa arnalǵan.