Qazaqstan Syrtqy ister mınıstriniń birinshi orynbasary Aqan Rahmetýllın Qazaqstan-Brazılıa parlamentaralyq dostyq tobynyń birinshi otyrysyna qatysý úshin Astanaǵa sapary aıasynda Brazılıanyń federaldy depýtaty – «Qazaqstan-Brazılıa» parlamentaralyq dostyq tobynyń tóraǵasy Klaýdıo Kajadýmen kezdesti.
A. Rahmetýllın brazılıalyq depýtatty QR-daǵy saıası jáne áleýmettik-ekonomıkalyq reformalardyń barysymen tanystyrdy, sondaı-aq jahandyq kún tártibi men halyqaralyq alańdardaǵy ózara is-qımyl kontekstindegi elimizdiń syrtqy saıasatynyń negizgi basymdyqtary týraly aıtty, dep habarlaıdy aqshamnews.kz Syrtqy ister mınıstrligine silteme jasap.
Sondaı-aq ol Brazılıa Qazaqstannyń Ońtústik Amerıka qurlyǵyndaǵy mańyzdy seriktesi bolyp qala beretinin atap ótip, parlamentaralyq dıalog eki eldiń saıası yntymaqtastyǵynyń negizgi tetigi bolyp tabylatynyna jáne Qazaqstan men Brazılıa arasyndaǵy qatynastardyń barlyq keshenine qýatty serpin beretinine senim bildirdi.
Óz kezeginde K. Kajadý qazaq dıplomatyn Brazılıadaǵy qazirgi saıası, áleýmettik-ekonomıkalyq jaǵdaımen jáne Ońtústik Amerıka óńirindegi sońǵy úrdistermen tanystyrdy. Sonymen qatar federaldy depýtat Qazaqstannyń halyqaralyq sahnadaǵy jetistikterin, onyń ishinde Ortalyq Azıa óńirindegi sheshýshi rólin joǵary baǵalady.
Sondaı-aq kelissózder kún tártibinde Brazılıa qalasynda altynshy simaralyq saıası konsýltasıalardy tabysty ótkizý kontekstinde eki el arasyndaǵy saýda-ekonomıkalyq yntymaqtastyqty arttyrý, sondaı-aq bıylǵy jyly Portý-Alegrı qalasynda «Qazaqstan-Brazılıa» iskerlik keńesiniń III otyrysy máseleleri turdy. Suhbat barysynda 2025 jyly Brazılıada ótetin COP30 klımattyń ózgerýi jónindegi halyqaralyq konferensıa aıasynda eki eldiń tyǵyz yntymaqtastyǵy týraly ýaǵdalastyqqa qol jetkizildi.
Kezdesý barysynda taraptar «Qazaqstan-Brazılıa» dostyq tobynyń aldaǵy birinshi otyrysynyń ózekti máselelerin talqylady jáne eki eldiń zań shyǵarýshy organdary arasyndaǵy baılanystardy keńeıtý arqyly saıası ózara is-qımyldy damytýǵa ózara qoldaý kórsetý týraly ýaǵdalasty.