Qazaqstan men Belarýs munaı jáne munaı ónimderin jetkizý salasyndaǵy kelisimge qol qoıdy
Energetıka mınıstri Nurlan Noǵaev pen BR Syrtqy ister mınıstriniń birinshi orynbasary Aleksandr Gýránov QR Úkimeti men BR Úkimeti arasyndaǵy Belarýs Respýblıkasyna munaı jáne munaı ónimderin jetkizý salasyndaǵy kelisimge qol qoıdy, dep habarlady Almaty-akshamy.kz. QR Energetıka mınıstrliginiń saıtynda jarıalanǵan habarǵa silteme jasap.
2014 jylǵy 29 mamyrdaǵy Eýrazıalyq ekonomıkalyq yntymaqtastyq týraly shartta aıqyndalǵan talaptarǵa baılanysty EAEO-ǵa múshe memleketter arasyndaǵy munaı men munaı ónimderiniń jetkizilimderi jekelegen ekijaqty kelisimdermen retteledi.
Elder arasyndaǵy jemisti ózara is-qımyldy jáne Eýrazıalyq ekonomıkalyq ıntegrasıa jolymen ilgerileýdi jalǵastyrý úshin búgin Munaı salasyndaǵy saýda-ekonomıkalyq yntymaqtastyqtyń úkimetaralyq kelisimine qol qoıyldy.
Kelisimde Belarýs Respýblıkasyna munaı jáne munaı ónimderin jetkizý sharttary aıqyndalǵan.
Taraptardyń yntymaqtastyǵy ózara múddelerdi qorǵaýǵa negizdeledi.
Kelisimge qol qoıylǵannan keıin taraptar Qazaqstan Respýblıkasynyń ekonomıkalyq múddelerin eskere otyryp, qazaqstandyq munaı men munaı ónimderiniń Belarýs Respýblıkasyna jetkizilimderiniń áleýetti kólemin talqylaýǵa kirisedi.