Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Birikken Arab Ámirlikteriniń Qazaqstandaǵy Elshisi Muhammed Ál-Arıkımen kezdesý ótkizdi.
Taraptar Qazaqstan men Ámirlikterdiń arasyndaǵy yntymaqtastyqtyń negizgi máselelerin, atap aıtqanda saýda-ekonomıkalyq jáne ınvestısıalyq baılanystardyń qarqyndy damýyn talqylady, dep habarlaıdy aqshamnews.kz Cyrtqy ister mınıstrligine silteme jasap.
SİM basshysy BAÁ elimizdiń Taıaý Shyǵystaǵy negizgi seriktesteriniń biri ekenin jáne memleket basshylary arasyndaǵy senimdi dıalogty atap ótti.
Taraptar QR Prezıdenti Qasym-Jomart Toqaevtyń «Ábý Dabıdiń ornyqty damý aptalyǵyna» qatysý úshin BAÁ-ge jaqynda jasaǵan jumys saparynyń qorytyndylaryn oń baǵalady.
Suhbat barysynda ekijaqty taýar aınalymyn ulǵaıtý jáne kólik-logıstıkalyq yntymaqtastyqty keńeıtý úshin jańa joldardy izdeýdiń mańyzdylyǵyna erekshe nazar aýdaryldy. Bul turǵyda elder arasyndaǵy jolaýshylar aǵynynyń artýy jáne týrısik saparlar sanynyń ósýi qanaǵattanýshylyqpen atalyp ótti.
Sonymen qatar suhbattastar jahandyq kún tártibin talqylap, halyqaralyq uıymdar aıasynda belsendi jumysty jalǵastyrýǵa kelisti.