Qazaqstan men Áziherbaıjan tranzıttik-kóliktik áleýetti damytýǵa nıetti.
Onyń ishinde Transkaspıı halyqaralyq kólik baǵytynyń múmkindikteri keńinen qoldanylmaq, dep habarlaıdy Almaty-akshamy.kz
Bul týraly elimizdiń Indýstrıa jáne ınfraqurylymdyq damý mınıstrliginiń baspasóz qyzmeti habarlady. Qos taraptyń vedomstvo ókilderi aǵymdaǵy jylǵy júk tasymaly kóleminiń boljamdaryn, temirjol ýchaskeleri men Kaspıı teńiziniń ótkizý qabiletin, sondaı-aq qosymsha aǵyndardy qaıta baǵdarlaý sharttaryn talqylady.
Atap aıtqanda, qazaqstandyq eksporttaýshylar Transkaspıı kólik dálizi arqyly 2 mln tonna otandyq ónimdi jóneltýge daıyn. Sondaı-aq Qazaqstan tarapy ázirbaıjandyq áriptesterine halyqaralyq baǵyt boıynsha avtokólikpen júk tasymalyn birlesip damytýdy usyndy. Sonymen qatar taraptar birlesken kásiporyn qurý arqyly tarıfterdi belgileý jáne júkterdi deklarasıalaý máselelerin sheshýge, biryńǵaı IT sheshimderdi qoldanýǵa jáne tranzıttik júkterdi shoǵyrlandyrýǵa múmkindik beredi.
Sondaı-aq Qazaqstan men Ázirbaıjan eki el arasyndaǵy áýe reısteriniń sanyn arttyrýǵa daıyn.