Tuqymdar aramshópterden tazartylǵan.
Prezıdent Qasym-Jomart Toqaevtyń tapsyrmasyn iske asyrý aıasynda Qyrǵyzstanǵa Qazaqstannan 1000 tonna otandyq iriktelgen bıdaı tuqymy túrinde izgilik kómek jetkizildi, dep habarlaıdy Almaty-akshamy.kz QR syrtqy ister mınıstrliginiń baspasóz qyzmetine silteme jasap.
Júkti tapsyrý rásimi «Bishkek-1» temirjol stansasynda Qazaqstannyń Qyrǵyzstandaǵy Elshisi Rápil Joshybaev pen Qyrǵyzstannyń Aýyl sharýashylyǵy mınıstri Askarbek Djanybekovtyń qatysýymen ótti. Mınıstr iriktelgen bıdaı tuqymdarymen qamtamasyz etýde qoldaý kórsetkeni úshin Qazaqstan tarapyna shynaıy rızashylyǵyn bildirdi jáne bul el fermerleri shyǵaratyn ónimniń sapasy men ónimdiliginiń ósýine áser etetinin aıtyp ótti.
«İriktelgen tuqym túrindegi izgilik kómek otandyq tuqym sapasyn arttyrady. «Qarabalyq-20» sortynyń qazaqstandyq tuqymdary sebý standartynyń birinshi sanatyna mynadaı sorttyq jáne sebý sapasymen sáıkes keledi: ylǵaldylyǵy 14%-ten aspaıdy, óngishtigi 95%-ten kem emes, sorttyq tazalyǵy 99,7%-ten kem emes. Tuqymdar karantındik aramshópterden, aýrýlardan jáne kez kelgen bóten ıisterden tazartylǵan», – dep atap ótti A.Djanybekov.