Oqý-aǵartý mınıstrliginiń málimetinshe, 186 myń túlek mektep bitirip jatyr.
Búgin, 25 mamyrda Qazaqstan mektepterinde sońǵy qońyraý soǵylyp jatyr, dep habarlaıdy Almaty-akshamy.kz
Qazir mektepterde "Mektebim, saǵan myń alǵys" taqyrybyndaǵy saltanatty shara ótip jatyr.
Eske salaıyq, buǵan deıin Oqý-aǵartý birinshi vıse-mınıstri Svetlana Jumadildaeva 2024 jylǵy 15 mamyrda OKQ-da ótken brıfıń barysynda mektepterde sońǵy qońyraý sharasyn ótkizý formatyndaǵy ózgeriske qatysty túsinik bergen edi.
"Oqý-aǵartý mınıstri túlekterge osy jyly bir aýdıtorıada bas qosa otyryp, bitirý keshiniń jylýlyǵy men estelikterine toly sońǵy qońyraýdy ótkizýdiń jańa formatyn aıqyndaýdy usynatynyn habardar etti. Biz olarǵa onyń formatyn ózderińiz oılastyrasyzdar, bul kvest bola ma, hakaton bola ma nemese ata-analarmen birge ótkiziletin kesh bola ma, ózderińiz sheshesizder dedik. Bul arada másele barsha balany merekeden aıyrý degen bolǵan joq. Mektepte jańa formatty usyna otyryp, biz osyǵan deıingi shyǵyndy dástúrden bas tartýdy qarastyrýǵa tyrystyq. Ózderińiz bilesizder, bul kúni barlyq kóshede kólikter korteji paıda bolady, ata-analar qatty shyǵyndalady, barlyq ata-ananyń qaltasy mundaı shyǵyndy kótere de bermeıdi, bitirý keshterin meıramhanalarda ótkizýge umtylady, 25 mamyrda meıramhanalardy jappaı jaldaıdy. Biz osynyń aldyn alǵymyz keldi", - dedi Svetlana Jumadildaeva.