Oqý-aǵartý mınıstrligi qysqy demalysty uıymdastyrý úshin óńirlerge «Birtutas tárbıe» baǵdarlamasy aıasynda usynystar jiberdi.
Bul usynystar qaýipsizdik sabaqtaryn, bilim berý, sporttyq, mádenı jáne shyǵarmashylyq is-sharalardy qamtıdy, dep habarlaıdy aqshamnews.kz Oqý-aǵartý mınıstrligine silteme jasap.
Balalardyń qaýipsizdigin qamtamasyz etý basym mindetterdiń biri bolyp tabylady. Ásirese mereke kúnderi oqýshylardyń otbasymen ýaqyt ótkizýine erekshe kóńil bólinedi.
Jol-kólik oqıǵalarynyń aldyn alý maqsatynda kóshelerde, syrǵanaqtarda, muz aıdyndarynda, sý qoımalary mańynda jáne adamdar kóp jınalatyn oryndarda, sonyń ishinde jármeńkeler men jańajyldyq shyrshalarda qaýipsizdik sharalaryn saqtaý qajet.
Sondaı-aq órt qaýipsizdigi de mańyzdy ról atqarady. Ot pen elektr qurylǵylaryn qoldaný kezinde, jańajyldyq gırlándalar, shamdar men bengal shamdaryn paıdalanǵanda qaýipsizdik erejelerin qatań saqtaý kerek.
Eske sala keteıik, osy oqý jylynda qysqy demalys 30 jeltoqsannan 8 qańtarǵa deıin 10 kúnge sozylady. Al birinshi synyp oqýshylary úshin 2025 jyldyń 10-16 aqpan aralyǵynda 7 kún qosymsha demalys beriledi.