Qyzmet quramyna birqatar mamandar kiretin bolady.
Bilim jáne ǵylym mınıstrligi orta bilim berý uıymdarynda psıhologıalyq qyzmettiń jumys isteý qaǵıdalaryn usynyp, qujat jobasyn ázirledi, dep habarlaıdy Almaty-akshamy.kz Egemen.kz silteme jasap.
Qujat oqýshylardyń psıhologıalyq ál-aýqatyn saqtaýǵa jáne nyǵaıtýǵa, bilim berý prosesine qatysýshylar arasynda qolaıly psıhologıalyq ahýal qalyptastyrýǵa, jeke múmkindikter men erekshe qajettilikterdi eskere otyryp, bilim alýshylardy áleýmettik, psıhologıalyq-pedagogıkalyq súıemeldeýdi qamtamasyz etýge baǵyttalǵan.
Psıhologıalyq qyzmettiń kelesi mindetteri belgilengen:
- Jeke tásildi qamtamasyz etý, bilim alýshylardyń tulǵalyq damýyna jáne psıhologıalyq ornyqtylyǵyna járdemdesý, olardyń psıhıkalyq jáne dene damýy men oqýynyń qaýipsiz jaǵdaılaryn qamtamasyz etý, psıhologıalyq-pedagogıkalyq jáne áleýmettik problemalardy sheshýge kómek kórsetý;
- Damý men oqytý problemalarynyń týyndaýynyń aldyn alý úshin balalardyń damý múmkindikteri men erekshelikterin keshendi dıagnostıkalaý, bilim berý prosesiniń barlyq qatysýshylaryn súıemeldeý;
- Erekshe bilim berý qajettilikteri bar bilim alýshylardy psıhologıalyq-pedagogıkalyq qoldaýdyń jeke-damytý baǵdarlamalaryn ázirleý jáne iske asyrý, bilim berý baǵdarlamalaryn olardyń erekshe bilim berý qajettilikterin anyqtaý jáne baǵalaý negizinde bilim alýshylardyń múmkindikteri men qabiletterine beıimdeý;
- Bilim berý prosesine qatysýshylardy súıemeldeý boıynsha pedagogter men mamandardyń pánaralyq, komandalyq tıimdi ózara is-qımylyn qamtamasyz etý, jeke múmkindikter men erekshe qajettilikterdi eskere otyryp, bilim alýshylardy tárbıeleý, oqytý jáne damytý, áleýmettendirý úshin qajetti jaǵdaılar jasaý;
- Bilim berý prosesiniń barlyq qatysýshylary arasyndaǵy qarym-qatynastardy retteý, qarym-qatynastardy, yntymaqtastyqty jáne ózara kómekti qoldaý;
- Barlyǵyna sapaly bilim berýdi qamtamasyz etý úshin qajettilikterdiń ártúrliligin eskere otyryp, bilim alýshynyń pedagogteri men otbasyna konsýltasıalyq-ádistemelik kómek;
- Bilim berý prosesine qatysýshylardyń psıhologıalyq-pedagogıkalyq quzyrettiligin arttyrý.
Psıhologıalyq qyzmettiń quramyna bilim berý uıymy basshysynyń (dırektorynyń) orynbasarlary, pedagog-psıholog, áleýmettik pedagog, synyp jetekshisi, arnaıy pedagogter, pedagog-assıstentter, pán pedagogteri, medısına qyzmetkeri kiredi.
Psıhologıalyq qyzmettiń quramy bilim berý uıymy basshysynyń buıryǵymen bekitiledi.
Jalpy psıhologıalyq qyzmet óz qyzmetin dıagnostıkalyq, konsýltasıalyq, aqparattyq-túsindirý, damytý jáne uıymdastyrý-ádistemelik baǵyttarda júzege asyrady.
Qujat 17 maýsymǵa deıin jarıa talqylaý úshin Ashyq NQA saıtynda ornalastyrylǵan.