Qazaqstan mektepterinde qazaq tilinen jańa formattaǵy emtıhan bastaldy.
Bıyl engizilgen ózgeriske sáıkes, synnan 5-shi, 8-shi jáne 10-shy synyp oqýshylary ótedi. Emtıhan 31 mamyrǵa deıin jalǵasady, dep habarlaıdy almaty-akshamy.kz.
Jańa emtıhan jazbasha jáne aýyzsha túrde ótkiziledi. Oqýshylardyń tyńdaý, sóıleý, oqý jáne jazý daǵdylary jan-jaqty baǵalanady. Baǵalaý júıesi kelesideı:
- 0-den 11-ge deıingi upaı: Tómen upaı, oqýshy emtıhandy qaıta tapsyrýy qajet.
- 12-den 18-ge deıingi upaı: Ortasha kórsetkish.
- 19-dan 24-ke deıingi upaı: Jaqsy kórsetkish.
- 25-den 30-ǵa deıingi upaı: Óte jaqsy kórsetkish.
Bul ózgeris oqýshylardyń qazaq tilin meńgerý deńgeıin naqtyly baǵalaýǵa baǵyttalǵan. Jańa format bilim berý sapasyn arttyrýǵa jáne oqýshylardyń tildik daǵdylaryn damytýǵa yqpal etedi dep kútilýde.