Qazaqstan Respýblıkasy Oqý-aǵartý mınıstrligi Tehnıkalyq jáne kásiptik bilim berý uıymdary arasynda respýblıkalyq «TOP — 100 stýdent» konkýrsynyń bastalǵany týraly habarlaıdy.
Maqsaty — tehnıkalyq jáne kásiptik bilim berý júıesiniń talantty jáne perspektıvaly stýdentterin anyqtaý jáne qoldaý, sondaı-aq Qazaqstan ekonomıkasynyń túrli salalary úshin joǵary bilikti mamandardyń kadrlyq rezervin jasaqtaý.
Baıqaý úsh kezeńmen ótkiziledi:
• irikteý kezeńi — kolej ishinde ótedi;
• óńirlik kezeń — ár kolejden bes stýdent qatysady;
• respýblıkalyq kezeń —sheshýshi kezeńde ár aımaqtan 10 úzdik stýdent saıysqa túsedi.
Baıqaýǵa qatysýshylardyń jumystaryn sarapshylar: bilim berý, óner jáne gýmanıtarlyq ǵylymdar, densaýlyq saqtaý jáne áleýmettik qamsyzdandyrý, jaratylystaný ǵylymdary, matematıka jáne statısıka, aqparattyq-kommýnıkasıalyq tehnologıalar, bıznes, basqarý jáne quqyq, áleýmettik ǵylymdar jáne aqparat, aýyl, orman, balyq sharýashylyǵy jáne veterınarıa, ınjenerlik, óńdeý jáne qurylys salalary, sondaı-aq qyzmet kórsetý baǵyttary boıynsha baǵalaıdy