Búgin QR Ulttyq kitaphanasynda Qazaqstan Respýblıkasynyń Prezıdenti Q.J.Toqaevtyń «Elimizdiń Ata Zańy – Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Jarlyǵyna sáıkes Respýblıkalyq referendým ótkizý týraly dóńgelek ústel ótti, dep habarlaıdy Almaty-akshamy.kz.
Sharaǵa Keńes músheleri, respýblıkalyq, qalalyq kitaphanalar júıesiniń dırektorlary men qyzmetkerleri jáne joǵarǵy oqý oryndary ǵylymı kitaphanalarynyń jetekshileri qatysty.
⠀
QR Ulttyq kitaphanasynyń dırektory, Qazaqstandyq Kitaphanalyq Odaqtyń tóraǵasy Baqytjamal Ospanova Qazaqstan Respýblıkasynyń Konstıtýsıa-syna engiziletin ózgeristerge toqtalyp, onyń bes maqsatyn atap kórsetti.
«Konstıtýsıalyq ózgeristiń barlyǵy jalpyhalyqtyq referendým arqyly iske asady. Prezıdent Qasym-Jomart Toqaevtyń bul sheshimi qazaqstandyqtardyń memlekettik basqarýǵa tikeleı qatysýynyń aıqyn dáleli. Konstıtýsıaǵa engizilgen ózgerister Jańa Qazaqstandy qurýdyń quqyqtyq negizin nyǵaıtady», – dep atap ótti Qazaqstan Kitaphanalar odaǵynyń tóraǵasy.
İs-sharanyń moderatory QR Ulttyq kitaphanasynyń ǵylymı hatshysy Júnisbekov Bolat Júnisbekuly qatysýshylarǵa sóz berdi.
⠀
Sóz sóılegender: Zaǵıp jáne nashar kóretin azamattarǵa arnalǵan respýblıkalyq kitaphana dırektory A.Q. Baıuzaqov, QR Bilim jáne ǵylym mınıstrligi Ǵylym komıteti «Ǵylym ordasy» ortalyq ǵylymı kitaphanasynyń dırektory S.Sh.Isaqanova, Qyzdar ulttyq pedagogıkalyq ýnıversıteti ǵylymı kitaphanasynyń dırektory B.T.Baǵasharova, Almaty qalasy Jazýshylar kitaphanasynyń meńgerýshisi E.J.Aǵaısa jáne Respýblıkalyq ǵylymı-pedagogıkalyq kitaphanasynyń qyzmetkeri A.I.Almabaeva jáne t.b.
Otyrys sońynda qatysýshylar Respýblıkalyq referendým ótkizýdi biraýyzdan qoldap, osy aıtýly naýqanǵa belsendi túrde atsalysatyndaryn jetkizdi.