Qazaqstan kaskaderlary tanymal amerıkalyq akterlarmen fılmge tústi.
Qazaqstannyń «Nomad Stunts» kaskaderleri tanymal amerıkalyq akter Semúel Leroı Djeksonmen birge «Kıller kodeksi» fılmine tústi, dep habarlaıdy Almaty-akshamy.kz QazAqparat-qa silteme jasap.
Golıvýdtyń «Kıller kodeksi» fılmi álemdik prokatqa shyqty. Onda basty rólderdi Semúel Leroı Djekson, Meggı Kú jáne Maıkl Kıton oınaıdy. Sonymen qatar fılmdi túsirý jumysyna «Nomad Stunts» tobyndaǵy qazaqstandyq kaskaderler de jumyldyrylǵan.
«Jobaǵa jalpy «Nomad Stunts» tobynyń 10 kaskaderi qatysty. Aıta keterligi, kaskaderler ekshnge ǵana jumyldyrylmaı, qıyn epızodtarda basty keıipkerler rólin somdady. Sonymen qatar epızodtyq sahnalarǵa akter retinde de qatysty», - dep jazdy «Nomad Stunts» toby Instagram-daǵy paraqshasynda.
Qazaqstandyq akterler bandıtterdiń, bosqyndar men oqqaǵarlardyń, shekarashylar men beıbit turǵyndardyń rólinde oınady. Týyndy rejıseri «Roıál kazınosy», «Zorra maskasy», «Jatjurttyq» syndy fılmdermen jumys istegen martın Kempbell boldy. Túsirilim jumystary Rýmynıada ótti.