Qazaqstanda aýyl sharýashylyǵynda jańa sala paıda bolýy múmkin. Bul - karbon eginshiligi.
Elordada ótken halyqaralyq ınvestorlar aptalyǵyna qatysýshylar paıdalanylmaǵan jerlerdi osyndaı tásilmen ıgerýdi usynyp otyr. Karbon sharýashylyǵy kómirtekti atmosferadan ósimdikter men topyraqqa aýystyrý tehnologıasyna negizdeledi, dep habarlaıdy Almaty-akshamy.kz Qazaqtv.com saıtyna silteme jasap.
Mamandardyń aıtýynsha, bul kómirqyshqyl gazynyń qaldyqtaryn aıtarlyqtaı azaıtýǵa kómektesedi. Saıyp kelgende, bul salanyń damýy jahandyq jylynýǵa qarsy turýǵa baǵyttalǵan. Forýmǵa qatysýshylar respýblıkada karbon sharýashylyǵynyń áleýeti zor ekenin atap ótti. Sebebi Qazaqstanda jalpy aýdany 220 mıllıon gektardan astam jerge teń aýyl sharýashylyǵy alqaptarynyń tek 20% paıdalanylady
«2050 jylǵa qaraı bizdiń ortaq maqsatymyz – kómirtegi beıtaraptyǵyna, ıaǵnı nóldik teńgerimge qol jetkizý. Alaıda, zertteýler kórsetkendeı, bul jetkiliksiz bolady. Kómirtekti atmosferaǵa shyǵarǵannan áldeqaıda kóp sińirý qajet bolady. Sondyqtan aýyl sharýashylyǵy salasy osy úderistiń negizgi qozǵaýshy kúshteriniń birine aınalýy tıis dep esepteımiz. Qazir karbon sharýashylyǵy AQSH pen Eýropada birtindep qabyldanýda. Al, Qazaqstan bolashaqta búkil Eýrazıada osy salanyń ortalyǵyna aınalýy múmkin», - Oksford ýnıversıteti ekologıalyq ózgerý ınstıtýtynyń dırektory Maıkl Obershtaıner.