Eksport 3,6 esege ósip, 609,2 mln AQSH dollaryn quraǵan.
Bıyl jyl sońyna qaraı Kanada men Qazaqstan arasyndaǵy taýar aınalymy 1 mıllıard dollarǵa jetýi múmkin, dep habarlaıdy Almaty-akshamy.kz Egemen.kz silteme jasap.
«Taýar aınalymy aıtarlyqtaı tabysty jáne serpindi damyp keledi. Ókinishke qaraı, 2020 jyly resessıa boldy, pandemıa damýǵa túzetýler engizdi. 2019 jyly jaqsy dınamıka kórsetse, al 2021 jyly kórsetkish óte tómen boldy. 2021 jyly biz 380 mıllıon dollar tikeleı ınvestısıa tarttyq, taýar aınalymy 700 mıllıon dollarǵa jetti. Bıylǵy jyldyń qańtar-tamyz aılaryndaǵy taýar aınalymy 700 mıllıon dollardan asty, bıylǵy jyldyń sońyna deıin 1 mıllıard dollarǵa jetemiz degen úmittemiz», dedi Qazaqstan-Kanada İskerlik keńesiniń V mereıtoılyq otyrysy aıasynda Qazaqstannyń Kanadadaǵy elshisi Aqylbek Kamaldınov.
Sondaı-aq Qazaqstannan Kanadaǵa eksport 3,6 esege ósip, 609,2 mln AQSH dollaryn quraǵan.
Aqylbek Kamaldınovtyń aıtýynsha, Qazaqstan odan ári óńdeý úshin Kanada naryǵyna ýran jetkizýde birinshi orynda tur. Jalpy kanadalyq isker toptar Qazaqstan ekonomıkasynyń túrli salalaryna úlken qyzyǵýshylyq tanytyp otyr. Munda ekonomıkanyń, klımattyń jáne aýmaqtyń uqsas qurylymy mańyzdy ról atqardy.