Bul - 2026 jylǵa qaraı júzege asa bastaýy tıis mindet.
Elimizde sońǵy jyldary avto óndiris kólemi artyp keledi. Indýstrıa jáne ınfraqurylymdyq damý mınıstri Marat Qarabaev ótken jyly elde 100 myńnan astam jeńil avtokólik qurastyrylǵanyn aıtty, dep habarlaıdy Almaty-akshamy.kz.
«Jalpy, avtomobıl jasaý – elimizdegi jańa baǵyt. Biz bul salada shamamen 10 jyl buryn jumys isteı bastadyq. Ótken jyly avtomobıl óndirisi 100 myńnan astam jeńil mashınany kórsetti. Buǵan deıin avtomobıl qurastyrýǵa basa mán beriletin. Endi biz lokalızasıany tereńdete túsemiz, talaptardy qataıtamyz. Ár brendten bir modeldi usaq qurastyrý arqyly jınaý kerek. Shaǵyn qurastyrý – 2 myńnan astam operasıany quraıdy, bul orasan zor jumys. Oǵan qosa, jańa jobalar da bar. Biz shınalar óndirisin bastadyq, akýmýlátorlar men aldyńǵy bamperler shyǵara bastadyq. Ári qaraıǵy mindet – jergilikti óndiristi damytý», - dedi mınıstr.
Sondaı-aq, Indýstrıa mınıstri elimizde avto óndirý kólemi artyp kele jatqanyn aıtty.
«Eger Qazaqstan naryǵy – 150 myń mashına bolsa, kelesi jyly qazaqstandyq avtoóndiris 150 myń mashınany shyǵarady. Iaǵnı, naryqtyń jańa avtokólikterge degen qajettiligi tolyǵymen jabylady. Birqatar jańa jobalar bar. Bizdiń mindetimiz - 2026 jylǵa qaraı Qazaqstan jylyna jarty mıllıon mashına shyǵarýy úshin óndiris kólemin 500 myńǵa deıin arttyrý», - dedi Marat Qarabaev.