Almatyda Red Jolbors XI Ortalyq Azıa komýnıkasıalar festıvali ótti.
Onda Qazaqstan «Jyl memleketi» retinde tanyldy, dep habarlaıdy Almaty-akshamy.kz Elorda.info-ǵa silteme jasap.
Festıválge Qazaqstan, Ózbekstan, Qyrǵyzstan, Ázirbaıjannan 450-den astam adam qatysty. Red Jolbors aıasynda bilim berý baǵdarlamasy uıymdastyrylyp, úzdik komýnıkasıalyq jáne jarnama sheshimderi baıqaýy ótti.
Baıqaýǵa Ortalyq Azıa men Ázirbaıjannan 360-tan astam jumys usynyldy. İs-sharanyń qorytyndysy boıynsha Qazaqstan «Jyl memleketi» atandy. Bul ataq halyqaralyq qazylar alqasynyń daýys berý nátıjeleri boıynsha eń kóp upaı jınaǵan elge beriledi. Ázirbaıjannyń Endorphin kompanıasy «Jyldyń eń úzdik agenttigi» dep tanyldy. Qazaqstan atynan qatysqandarǵa 50, Ózbekstanǵa 24, Ázirbaıjanǵa 13 marapat tabystaldy.
Red Jolbors-ta biz árqashan salanyń eń qyzyqty jáne ózektiimáselelerin kóteremiz. Jarnamalyq agenttikterdiń ókilderi jáne aımaǵymyzdyń marketologterine tájirıbemizdi aıtý úshin úzdik sarapshylardy jınaýǵa tyrysamyz. Bıylǵy konkýrstyń spıkerleri men qazylar alqasy jarnama jáne marketıń salasyndaǵy eń bedeldi marapattardyń ıegerleri boldy. Búkil quramǵa 100-ge jýyq Kann festıvaliniń júldegerleri, sondaı-aq, marketıń salasyndaǵy álemdegi eń mańyzdy marapattardyń biri – «Effılikter» kirdi, - dedi Red Jolbors negizin qalaýshy Sabına Reıngold.
Dáristerdiń, sondaı-aq, paneldik pikirtalastardyń spıkerleri iri jarnama agenttikteriniń, Eýropa, Ońtústik Koreıa, Grýzıa, Qazaqstan, Qyrǵyzstan, Ózbekstan, Reseı kompanıalarynyń ókilderi boldy. Olar ózderiniń praktıkalyq tájirıbelerin áńgimelep berdi jáne shyǵarmashylyq ıdeıalardy ázirleý, marketıń quraldarynyń tıimdiligi, brendterdiń ósý múmkindikteri, seriktestik qurý, sıfrlyq dızaınnan keıingi dızaın, marketıńtegi metaverster, TikTok-qa mıllıondaǵan aýdıtorıany tartý týraly aıtty. Sondaı-aq Red Jolbors-tyń 2022 jylǵy negizgi taqyryptarynyń biri - ómir súrip jatqan ortany jaqsy jaqqa ózgertetin ESG jobalaryn qurý jáne damytý boldy.
Sonymen qatar is-sharada 3 túrli paneldik pikirtalas uıymdastyryldy. Olardyń biri Ortalyq Azıa elderinde kreatıvti ekonomıkany damytýǵa arnaldy.