Akademıa jetekshisi Saǵymbaı Qozybaev aǵashtardy sýǵardy.
Qazaqstan Jýrnalısıka akademıasy «Alataý Aqparattyń» chellendjin jalǵastyrdy, dep habarlaıdy Almaty-akshamy.kz.
Ústimizdegi jyldyń jazǵy maýsymy erekshe ystyq bolǵandyqtan, qaladaǵy aǵashtar qýraı bastady. Osy aǵashtardy qutqarý maqsatynda «Alataý Aqparat» JSHS «Aǵashtardy aıalaıyq!» chellendjin qolǵa alyp, mekeme aınalasyndaǵy, sondaı-aq byltyr Abaı dańǵylynyń boıyna ózderi otyrǵyzǵan jasyl jelekke sý quıa bastady. Atalǵan chellendjdiń maqsaty men muraty – qaladaǵy barlyq mekemeni ózine qarasty, sondaı-aq jaqyn mańdaǵy aǵashtarǵa qamqorlyq jasaýǵa shaqyrý bolǵan. Búgin bul bastamany Saǵymbaı Qozybaev jalǵastyrdy.
«Myna eki qalalyq «Almaty aqshamy» men «Vechernıı Almaty» gazetteriniń bastamasy óte tamasha dep oılaımyn. Bizdiń Qazaqstan Jýrnalısıka akademıasy bul bastamany koldaıdy. Eki-úsh aıdan beri baıqap júrmin, Almatyda jańbyr az, jer keýip barady. Sol sebepten biz bastamany qoldap, mine, úıimniń janyndaǵy bes-alty aǵashty sýǵarýdyń sáti tústi. Bul aǵashtardy ári qaraı da qaraýsyz qaldyrmaı, kútip-baptaý kerek», – dedi Qazaqstan Jýrnalısıka akademıasynyń prezıdenti.
«Almaty aqshamy» men «Vechernıı Almaty» gazetteriniń qyzmetkerleri qoldaryna shelek alyp, jaqsy isti bastap ta ketti. Osy oraıda, ózge áriptesterimizdi de chellendjdi jalǵastyrýǵa shaqyramyz. Aıta keteıik, «Alataý Aqparat» izgi bastamany Qazaqstan Jýrnalıser odaǵyna, «Vechernıı Almaty» – «Novoe pokolenıe» gazetine, al «Almaty aqshamy» – «Qazaq úni» gazetine joldanǵan bolatyn.