Júk Islam yntymaqtastyǵy uıymynyń jelisi boıynsha Aleppo qalasyna tórt áýe reısimen jetkizilmek
Úkimet úıinde QR Premer-Mınıstriniń birinshi orynbasary Roman Sklárdyń tóraǵalyǵymen Halyqaralyq gýmanıtarlyq kómek máseleleri jónindegi komısıanyń otyrysy ótti, dep habarlaıdy Almaty-akshamy.kz Úkimet saıtyna silteme jasap.
Otyrysta joıqyn jer silkinisterinen zardap shekken Sırıa Arab Respýblıkasyna 50 tonna gýmanıtarlyq kómek jiberý týraly sheshim qabyldandy.
Memlekettik materıaldyq rezervten konservilengen ónimder, jyly kıim-keshekter, qysqy shatyrlar, kereýetter men tósek-oryn jabdyqtary bólinedi. Júk Islam yntymaqtastyǵy uıymynyń jelisi boıynsha Aleppo qalasyna tórt áýe reısimen jetkizilmek.
Aıta keteıik, Memleket basshysy Qasym-Jomart Toqaev Úkimetke Sırıaǵa gýmanıtarlyq kómek kórsetý týraly tapsyrma bergen bolatyn.
Aıta keteıik, Sırıanyń túrli aımaqtarynda eki joıqyn jer silkinisi qurbandarynyń sany 2802-ge deıin ósti. Zardap shekkenderdiń sany – 5 035. Buǵan deıin Qazaqstan Úkimeti Túrkıaǵa gýmanıtarlyq kómek retinde $1 mln bóldi.
Sońǵy málimet boıynsha, Túrkıada jer silkinisinen qaza tapqandar sany 17 myńnan asty.