Qazaqstan Respýblıkasy Ulttyq kitaphanasynda Jazýshylar odaǵy hatshylyǵynyń keńeıtilgen otyrysy ótti.
Jıynǵa elimizdiń beldi qalamgerleri qatysty. Olar Memleket basshysynyń konstıtýsıalyq reforma boıynsha referendým ótkizý týraly sheshimin qoldady, dep habarlaıdy Almaty-akshamy.kz
"Bul óte mańyzdy sheshim. Bul elimizdiń tarıhyndaǵy jańa belesti bildiredi. Qazir kóp nárse halyqqa, onyń ústine azamattyq ustanymyn bildiretin árbir adamǵa baılanysty. Biz tarıhtyń jazýshylary, kýágerleri, shejireshileri retinde referendým ótkizý ıdeıasyn biraýyzdan qoldaımyz", – dedi Qazaqstan Jazýshylar odaǵynyń tóraǵasy Ulyqbek Esdáýlet.
Óz kezeginde Marat Toqashbaev Qazaqstan Prezıdenti Qasym-Jomart Toqaevtyń bastamalaryna jan-jaqty qoldaý kórsetýdiń mańyzy zor ekenin atap ótti.
"Biz Qazaqstan tarıhynyń jańa taraýyn jaza bastadyq jáne kez kelgen adam referendýmǵa qatysý arqyly birlesken avtor bola alady. Bul shynymen de óte mańyzdy", - dep atap ótti jazýshy.
«Qazaq ádebıeti» gazetiniń bas redaktory Dáýren Qýat ta referendýmdy qoldap, bul tarıhı qadamnyń mańyzdylyǵyna toqtaldy.
"Sózsiz, referendým el úshin eń mańyzdy qadam jáne onyń qalaı ótetini kóp jaǵdaıda bizge, onyń árbir adam úshin qanshalyqty mańyzdy ekenine baılanysty. Bul tarıhı oqıǵa, onyń mańyzy týraly aıtýymyz kerek", – dedi ol.
Jıyn qorytyndysy boıynsha Qazaqstan Jazýshylar odaǵy hatshylyǵynyń músheleri referendýmdy biraýyzdan qoldady.
Aqparattyq materıal «Respýblıkalyq referendým jónindegi» QR Zańynyń 7 baby 2 tarmaǵy boıynsha «Alataý Aqparat» JSHS tapsyrysy boıynsha jarıalandy. Jaýapty tulǵa – Oısaev B.B.