«Qazaqstan temir joly» ulttyq kompanıasy» AQ málimetterine sáıkes, 2025 jylǵy 1 qyrkúıekten 19 qazanǵa deıingi kezeńde Qazaqstan jańa astyq óniminen 1,6 mln tonna astyq eksporttady.
Bul ótken jyldyń osy kezeńimen salystyrǵanda 14%-ǵa kóp (2024 jyly – 1,4 mln tonna), - dep habarlaıdy Aqshamnews.kz.
Eksport kólemi negizinen Ortalyq Azıa jáne Kavkaz elderi baǵytynda artqany baıqalady. Máselen, Ózbekstanǵa eksport kólemi 41%-ǵa ósip, 568 myń tonnadan 801 myń tonnaǵa jetti. Al Tájikstanǵa 3,8%-ǵa ósti (236 myńnan 245 myń tonnaǵa deıin), al Qyrǵyzstanǵa jetkizilim 2,6 esege kóbeıip, 17 myńnan 45 myń tonnany qurady.
Sonymen qatar, Ázerbaıjanǵa eksport 3,4 esege ulǵaısa, (11 myńnan 38 myń tonnaǵa deıin), Aýǵanstanǵa jetkizilim 28,6%-ǵa ósip, 56 myńnan 72 myń tonnaǵa jetti, sondaı-aq, Túrikmenstanǵa eksport 66,7%-ǵa kóbeıip, 3 myńnan 5 myń tonnaǵa deıin kóbeıdi.
Eksport boıynsha mundaı kórsetkish qazaqstandyq astyqqa suranystyń joǵary ekenin jáne ónimdi kórshi elderge jetkizý úshin logıstıkalyq baǵyttardyń turaqtylyǵyn dáleldeıdi