Óskemen qalalyq polısıa basqarmasynyń patrúldik polısıa batalóny qyzmetkerleri birdeı memlekettik tirkeý nómirimen júrgen eki Toyota Alphard kóligin anyqtaǵan, - dep habarlaıdy Aqshamnews.kz
Birinshi kólikti 29 qyrkúıek kúni toqtatqan. Sol kezde tártip saqshylary júrgizýshiniń júrgizýshi kýáliginiń jáne saqtandyrý polısiniń joq ekenin anyqtap, avtokólik arnaıy turaqqa qoıylǵan. 21 qazan kúni dál sol memlekettik nómirmen júrgen taǵy bir Toyota Alphard kóligi polıseılerdiń nazaryna túsken.
Tekserý kezinde bul kóliktiń shanaǵynyń sáıkestendirý nómiri (VIN) kórsetilgen memlekettik nómirge sáıkes kelmeıtini anyqtaldy. Kólik jalǵan tirkeý nómirlerin paıdalanǵany úshin arnaıy turaqqa qoıyldy.
Qazir atalǵan fakti boıynsha tekserý júrgizilýde. Polıseıler quqyq buzýshylyqtyń mán-jaıyn jáne eki kóliktiń ıeleriniń arasyndaǵy baılanysty anyqtap jatyr.