Eýropalyq hımıalyq agenttik (ECHA) etanoldy qaterli isik týdyrýy múmkin zattar qataryna qosý múmkindigin qarastyryp jatyr, - dep habarlaıdy Aqshamnews.kz.
Bul sheshim qabyldansa, etıl spırtin medısınalyq mekemelerde paıdalaný shektelýi yqtımal. Bul týraly Financial Times gazeti málimdegen.
Basylymnyń málimetinshe, 10 qazanda agenttikttń jumys toby ishki usynym jarıalaǵan. Onda etıl spırti júktilik kezinde asqynýlar men qaterli isik qaýpin arttyratyn ýly zat retinde kórsetilgen.
ECHA-nyń bıosıdti zattardy zertteý jónindegi komıteti 24-27 qarasha aralyǵynda otyrys ótkizip, etanoldy adam densaýlyǵyna qaýipti zat retinde resmı túrde jikteý máselesin talqylaıdy. Keıin bul usynys Eýropalyq komısıanyń qaraýyna jiberiledi, ol sońǵy sheshimdi qabyldaıdy.
Financial Times atap ótkendeı, spırt negizindegi dezınfeksıalaýshy quraldar búginde Eýroodaqta qaýipsiz dep tanylǵan jáne 1990-jyldardan beri Dúnıejúzilik densaýlyq saqtaý uıymynyń negizgi dárilik zattar tizimine engizilgen.