Baǵdarlamaǵa qatysýdyń shekti jasy tolyq 29 jasty quraıdy
«Qazaqstan halqyna» qoǵamdyq qory qaıyrymdylyq baǵdarlamasy aıasynda bakalavrıat baǵdarlamalary boıynsha 850 bilim berý grantyn bóldi, dep habarlaıdy Almaty-akshamy.kz Azattyq Ruhy-na silteme jasap.
Bilim berý grantyna kimder úmitker bola alady:
- aýyldyq jerlerdegi, shaǵyn jáne monoqalalardaǵy az qamtylǵan otbasylar;
- jetim balalar nemese kámeletke tolǵanǵa deıin ata-anasynyń qamqorlyǵynsyz qalǵan balalar;
- múgedektigi bar azamattar;
- múgedek balalardy tárbıelep otyrǵan otbasylar;
- 2022 jylǵy qaıǵyly qańtar oqıǵalary kezinde qaza tapqan Qazaqstan Respýblıkasy azamattarynyń balalary;
- 2022 jylǵy qaıǵyly qańtar oqıǵalary kezinde jaralanǵan balalar;
- tótenshe jaǵdaılar kezinde zardap shekken Qazaqstan Respýblıkasynyń qaza tapqan azamattarynyń balalary (Qordyń Qamqorshylyq keńesiniń sheshimi negizinde).
Baǵdarlamaǵa qatysýdyń shekti jasy tolyq 29 jasty quraıdy.Bilim berý grantynyń ıegerlerine oqý jylyna 1 mıllıon teńgege deıin oqý aqysy tólenedi jáne búkil oqý merzimi ishinde 40 000 teńge mólsherinde aı saıynǵy shákirtaqy tólenedi. Shákirtaqy jazǵy demalys kezeńin qospaǵanda, 10 aı ishinde (jyl saıyn) tólenedi.
Grant, joǵary oqý oryndarynyń tizimi jáne grant sany boıynsha tolyq maǵlumatpen myna silteme boıynsha tanysa alasyz.