Qazaqstan fýtbolynyń 110 jyldyǵyna oraı, sondaı-aq baı tarıhty saqtaý jáne otandyq fýtboldy nasıhattaý maqsatynda Astanada Qazaqstan fýtbolynyń mýzeıi ashyldy.
İs-sharaǵa «Astana» fýtbol ortalyǵynyń tárbıelenýshileri, Qazaq fýtbolynyń ardagerleri, otandyq fýtbol klýbtarynyń jetekshileri, Qazaqstan ulttyq quramasynyń bas bapkeri Magomed Adıev, sondaı-aq ulttyq qurama oıynshylary Baýyrjan Islamhan men Ian Vorogovskıı qatysty, dep habarlaıdy Almaty-akshamy.kz.
Mýzeıdi qurýǵa atsalysqan ujym 1913 jyly Semeıde bastaý alǵan Qazaqstan fýtbolynyń tarıhyn jańǵyrtý úshin elimizdiń túkpir-túkpirinen jádigerler, derekter jáne aqparat jınaý jumystaryn júrgizdi.
Osy oqıǵaǵa oraı Qazaqstan fýtbol federasıasyna FIFA jáne ÝEFA-dan quttyqtaý hattary kelip tústi.
«Birneshe aı buryn men sizderdiń ádemi elderińizge baryp, Qazaqstanda fýtbolǵa degen keremet qushtarlyq pen súıispenshilikti óz kózimmen kórý múmkindigine ıe boldym. Mýzeı eldegi fýtboldyń 110 jyldyq tarıhyna, isterge, tulǵalarǵa, sondaı-aq sportymyzdy damytyp jatqan barlyq adamdarǵa qurmet kórsetýge óz úlesin qosatyny sózsiz», - dedi FIFA prezıdenti Djannı Infantıno.
«Qazaqstan fýtbol federasıasyn mýzeıdiń resmı ashylýymen quttyqtaǵym keledi. Osyndaı mańyzdy oqıǵalar ulttyq qaýymdastyqtyń durys baǵytta damyp, ÝEFA-ǵa múshe qaýymdastyqtar arasynda bedelge ıe bolǵanynyń dáleli boldy. Sizderdiń ÝEFA klýbtyq jarystaryna qatysýlaryńyz jáne ulttyq quramanyń jetistikteri qaýymdastyqtyń barlyq deńgeıdegi progresin kórsetedi, al aldaǵy ýaqytta eýropalyq fýtbolda odan ári tolyq básekege túsýge múmkindikterińiz bar. QFF-ǵa tabys tileımin, óıtkeni sizder bul dárejege jetý úshin uzaq joldan óttińizder jáne qazirgi tabystaryńyz – fýtbolmen ómir súretin jáne fýtboldy jaqsy kóretinderge arnalǵan», - dedi ÝEFA prezıdentń Aleksandr Cheferın.
Qazaqstan fýtboly mýzeıiniń ashylýyna oraı Ádilet Barmenqulov Halyqaralyq sport baspasózi qaýymdastyǵynyń (AIPS) alǵys hatymen marapattaldy.
Sondaı-aq saltanatty sharada Qazaqstan fýtbol mýzeıiniń eksponattaryn jasaý men tolyqtyrýǵa zor úles qosqandarǵa QFF Prezıdentiniń alǵys haty tabystaldy:
– Segizbaeva Aıgúl Tımýrqyzy – kórnekti fýtbolshy, jattyqtyrýshy Tımýr Sanjaruly Segizbaevtyń qyzy. Aıgúl Tımýrqyzy ákesiniń jeke zattaryn mýzeı qoryna syıǵa tartty.
– Álim İlıasuly Anapánov – sport jýrnalısi, sport taqyrbynda 6 kitaptyń avtory. Ol mýzeı qoryna kóptegen ádebıet pen basqa da jádigerlerdi syıǵa tartty.
– Stanıslav Serikuly Sársekov – sport tarıhshysy, sholýshy, jýrnalıs. Ol mýzeı qoryna óziniń jeke koleksıasynan 150-den astam jádigerdi syıǵa tartty.
– Nazgúl Nurjanqyzy Kadrımbetova – eńbek sińirgen mádenıet qaıratkeri, PhD doktory.
– Ásilhan Nuftollauly Mashtaev, Qazaqstan Respýblıkasy Ulttyq mýzeıiniń, «Astana Arena» stadıonynyń jáne elimizdiń basqa da mańyzdy mádenıet jáne sport nysandarynyń dızaınyn jasaýǵa qatysqan mýzeı dızaıneri.
Qazaqstan fýtbol federasıasynyń prezıdenti Ádilet Barmenqulovtyń bastamasymen ashylǵan mýzeıde Qazaqstan fýtbolynyń tarıhy, onyń ishinde aty ańyzǵa aınalǵan oıynshylardyń jetistikteri men elimizdegi fýtboldyń damýyndaǵy mańyzdy sátteri kórsetiledi.
Aıta keteıik, mýzeı qoryna kez kelgen adam fýtbolymyzdyń tarıhyna qatysty jádigerlerdi syıǵa tarta alady.
Mýzeı jumys kúnderi saǵat 10:00-den 17:00-ge deıin jumys isteıdi.