Fýtboldan Qazaqstan chempıonatynyń 14-týrynda «Turan» Túrkistanda Oraldyń «Aqjaıyǵyn» qabyldady, dep habarlaıdy Almaty-akshamy.kz Inform.kz-ke silteme jasap.
Qos komanda da birinshi lıgaǵa túsip qalatyn qaýipti aımaqta turǵandyqtan, upaı aýadaı qajet edi. Ótken jylǵy birinshilikte «Aqjaıyq» Túrkistanda 2:0 esebimen jeńiske jetip, Oralda 1:1 esebimen teń oınaǵan edi.
Bul joly birinshi taımnyń 25-mınýtynda «Aqjaıyq» sapyndaǵy brazılıalyq Rafael Sabınonyń basyna tıgen dop reseılik Stepan Sıkach qorǵaǵan qaqpaǵa kirip ketti. Ekinshi kezeńde 52-mınýtta oraldyqtar uıymdastyrǵan shabýyldan keıin komanda kapıtany, reseılik Sergeı Shýstıkov dopty toqtatpastan dál tebe bildi – 1:1. Budan keıin esep ózgergen joq. 12 upaıdan jınaǵan «Turan» men «Aqjaıyq» 12-inshi jáne 13-oryndarda qaldy.
Bul týrda «Aqsýdy» 5:0 esebimen oısyrata utqan «Astana» komandasy 24 upaımen týrnır kestesinde kósh bastady. Kelesi týrda batysqazaqstandyq klýb 25 maýsymda óz alańynda «Ordabasyny» (Shymkent) qabyldasa, bir kúnnen keıin túrkistandyqtar Aqtaýda «Kaspıımen» kezdesedi.