2024 jylǵy Eýropa chempıonatynyń irikteý kezeńi aıasynda «Astana Arenada» Qazaqstan men Fınlándıa quramalary arasynda fýtbol machy ótti.
H tobynyń kóshbasshylary arasyndaǵy jekpe-jek 1:0 esebimen Fınlándıa quramasynyń paıdasyna sheshildi, dep habarlaıdy almaty-akshamy.kz
Bul oıynǵa halyq kóp jınaldy, bıletter aldyn ala satylyp ketken.
Kezdesýdiń 6-mınýtynda-aq Bahtıór Zaınýtdınov alań ıeleriniń paıdasyna esep ashýy múmkin edi, alaıda onyń soqqysy qaqpadan asyp ketti. Odan keıin Fınlándıa quramasynyń úzdik shabýylshysy Teemý Pýkı qaqpamyzǵa eki ret qaýipti soqqy jasady. Sırek kezdesetin qarymta shabýyldarmen jaýap bergen komandalar esep ashpaı úziliske shyqty.
Ekinshi taımda 78-mınýtta Olıver Antman qazaqstan komandasynyń qorǵanysynyń osal tusyn taýyp, esep ashty. Bul osy oıyndaǵy Fınlándıaǵa jeńis ákelgen jalǵyz gol bolyp N tobyndaǵy kóshbasshyny aıqyndap berdi. Qazir Fınlándıa quramasynda 12 upaı bar, Magomed Adıevtiń shákirtteri 9 upaımen 2-orynda.
Qazaqstan kelesi kezdesýin 10 qyrkúıekte Soltústik Irlandıamen ótkizedi.