Qazaqstannyń Belarýstegi Elshisi Tımýr Jaqsylyqov Belarýs Respýblıkasynyń Prezıdenti Aleksandr Lýkashenkoǵa senim gramotalaryn tabys etti.
Prezıdenttik Táýelsizdik saraıynda ótken saltanatty rásim barysynda A. Lýkashenko Qazaqstan Belarýs úshin mańyzdy, ýaqytpen tekserilgen dos, strategıalyq seriktes jáne odaqtas ekenin málimdedi, dep habarlaıdy aqshamnews.kz Syrtqy ister mınıstrligine silteme jasap.
Belarýs basshysynyń aıtýynsha, yntymaqtastyqtyń joǵary dınamıkasy jyl saıynǵy mıllıardtaǵan taýar aınalymy men ónerkásiptik kooperasıadaǵy tabysty jobalardan kórinedi.
A. Lýkashenko Qazaqstan Respýblıkasynyń Prezıdenti Qasym-Jomart Toqaevqa Qazaqstannyń Shanhaı yntymaqtastyq uıymyna tóraǵalyq etýi barysynda Belarýske kórsetken jan-jaqty qoldaýy úshin alǵysyn bildirdi.
Saltanatty rásim sońynda Belarýs kóshbasshysy Qazaqstan Prezıdentine sálemdesý sózderin joldap, Elshige Qazaqstan-Belarýs yntymaqtastyǵyn nyǵaıtý úshin tabysty jáne jemisti jumys tiledi.