Keshe keshke Ońtústik Koreıa prezıdenti elde áskerı jaǵdaı engiziletinin málimdedi.
Qazaqstannyń Koreıa Respýblıkasyndaǵy elshiligi saıası ahýalǵa baılanysty málimdeme taratty, dep habarlaıdy aqshamnews.kz
“Qurmetti Qazaqstan Respýblıkasynyń azamattary! Koreıa Respýblıkasy Prezıdenti Iýn Sok Óldiń áskerı jaǵdaı engizýine baılanysty Koreıa Respýblıkasynda júrgen Qazaqstan Respýblıkasynyń azamattaryn sabyrlyq saqtap, jergilikti bıliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz. Qazaqstan Respýblıkasynyń azamattary úshin tótenshe jaǵdaı týyndaǵan jaǵdaıda, jedel baılanys úshin +8210-6572-9311 telefony arqyly Elshilikke habarlasýlaryńyzdy suraımyz!” - delingen resmı habarlamada.
Keshe keshke elde áskerı jaǵdaı engiziletinin málimdegen Ońtústik Koreıa prezıdenti muny eldiń qaýipsizdigine qaýip tóndiretin jáne konstıtýsıalyq tártipke nuqsan keltiretin «memleketke qarsy kúshtermen» kúresýge baǵyttalǵan shara dep túsindirdi.
Osydan keıin elde dúrbeleń bastalyp, prezıdentke qarsy narazylyq sharalary júrip jatty.
Áskerı jaǵdaıǵa qarsylar prezıdentti konstıtýsıany buzdy jáne bılikti tartyp almaq boldy dep aıyptady. Uzamaı Koreıa Respýblıkasynyń Ulttyq assambleıasy (parlament) áskerı jaǵdaıdy alyp tastady.