Muny BUU-nyń Qazaqstandaǵy turaqty-úılestirýshisi Mıkaela Frıberg-Storı elordada ótken brıfıńte málimdedi.
Aıtýynsha, elimizde ana ólimi azaıǵan jáne ýrbanızasıa prosesi baıaýlaǵan. Qazirgi tańda respýblıka boıynsha turǵyndardyń jartysyna jýyǵy qalalyq jerde turady.
Sonymen qatar, Mıkaela Frıberg-Storı, Qasym-Jomart Toqaevtyń sý resýrstaryn basqarýǵa qatysty reformasyn jáne Ortalyq Azıa elderimen tyǵyz qarym-qatynas ornatýdaǵy bastamalarynyń mańyzdylyǵyn atap ótti, dep habarlaıdy Almaty-akshamy.kz 24.kz-ke silteme jasap.
«Biz Qazaqstan Úkimetiniń eldi taza sýmen qamtamasyz etýge aıryqsha kóńil bolyp otyrǵanyn atap ótkimiz keledi. Prezıdent Qasym-Jomart Toqaev halyqqa Joldaýynda bul transshekaralyq mańyzdy másele degen bolatyn. Biz qazir sý resýrstary boıynsha jańa kodeks ázirlenip jatqanyn jáne mamandandyrylǵan arnaıy mınıstrlik qurylǵanynan bilemiz. Munyń barlyǵy turaqty damý maqsattaryn odan ári iske asyrýǵa erekshe serpin beretinine senimdimin», - deıdi BUU-nyń Qazaqstandaǵy turaqty úılestirýshisi Mıkaela Frıberg-Storı.