Calynatyn ınvestısıa kólemi 6,5 paıyzǵa artty.
Ústimizdegi jyly Qazaqstan ekonomıkasy úsh paıyzǵa ósken. Bul týraly Memleket basshysy Qasym-Jomart Toqaev Parlament Senatynyń otyrysynda aıtty, dep habarlaıdy Almaty-akshamy.kz.
«Barshańyzǵa málim, ótip bara jatqan jyl ońaı bolǵan joq, óte kúrdeli boldy desek, artyq emes. Elimizde bolǵan qasiretti oqıǵalar jóninde ózderińiz bilesizder. Biz bárimiz bir el, bir ult, bir halyq bolyp, Otanymyzdy birlesip saqtap qaldyq dep esh kúmánsiz aıtýǵa bolady. Aldymyzda turǵan negizgi maqsat – elimizdegi turaqtylyqty, qaýipsizdikti saqtap qalý, Qazaqstannyń jarqyn bolashaqqa qaraı qarqyndy damýyna jol ashyp berý. Árıne, bul joldyń ońaı bolmaıtyny anyq. Biraq dana halqymyz barlyq qıyndyqty, tosqaýyldar men kedergilerdi jeńip shyǵatynyna men kámil senemin», - dedi Prezıdent.
Budan soń, ol koronavırýs pen geosaıası ahýaldyń ýshyǵýy halyqaralyq daǵdarysty kúsheıtkenin aıtty.
«Munyń bári álem ekonomıkasyn tyǵyryqqa tiredi. Biz osy kúrdeli jaǵdaıda ekonomıkanyń quldyraýyna jol bergen joqpyz. Ótken 11 aıdyń qorytyndysy boıynsha, ekonomıkamyz 3 paıyzǵa ósti. Negizgi kapıtalǵa salynatyn ınvestısıa kólemi 6,5 paıyzǵa artty. Bul - jaman kórsetkish emes. Biraq jaıbaraqat otyrýǵa bolmaıdy», - dedi Memleket basshysy.