Bul týraly Halyqaralyq valúta qorynyń mısıa basshysy málimdedi
Nıkolá Blansheniń aıtýynsha, Qazaqstan senimdi túrde qalpyna keltirý serpinin kórsetýdi jalǵastyrýda. Ol sondaı-aq respýblıkanyń qarjylyq qadaǵalaýdy kúsheıtý, ınflásıalyq targetteý, salyqtyq jáne búdjettik ákimshilendirýdi sıfrlandyrý jónindegi sharalaryna jáne 2060 jylǵa qaraı kómirtegi beıtaraptyǵyna qol jetkizý jónindegi mindettemelerine joǵary baǵa berdi, dep habarlaıdy Almaty-akshamy.kz
Sonymen qatar sarapshy eldegi ınflásıa áli de ósýi múmkin ekenin atap ótti. Sondyqtan ol Ulttyq banktiń aqsha-nesıe saıasatyn qatańdatýdy oryndy dep esepteıdi.
«Qazaqstan Ulttyq banki aldyn bazalyq mólsherlemeni 0,25% kóterdi. Eldegi jaǵdaıdy taldaı otyryp, bul saıasatty jalǵastyrý qajet dep sanaımyz. Sebebi ınflásıa deńgeıi áli de ósýde. Sondaı-aq Ulttyq banktiń ekonomıkany qoldaýdyń memlekettik baǵdarlamalarynan shyǵý bastamasyn qoldaımyz. Eldegi qarjy naryǵyn retteý men damytý, básekelestikti qorǵaý agenttigin qurý el ekonomıkasynyń durys damýyna serpin beredi dep oılaımyz. 2021 jyldyń qorytyndysy boıynsha qalpyna kelý serpinin odan ári saqtaı otyryp, Qazaqstan ekonomıkasynyń ósý qarqyny 3,7% jetedi», - HVQ-nyń Qazaqstan boıynsha mısıa basshysy Nıkolá Blanshe.