Osy maqsatta 212 kanaldy sıfrlandyrý qajet.
Qazaqstan Úkimeti aldaǵy bes jylda uzyndyǵy 3,3 myń km bolatyn 212 kanaldy sıfrlandyryp, 2,2 tekshe metr sýdy únemdeýdi kózdep otyr, dep habarlaıdy Almaty-akshamy.kz.
Qazaqstannyń Ekologıa, geologıa jáne tabıǵı resýrstar mınıstri Maǵzum Myrzaǵalıevtyń aıtýynsha, ótken jyly Túrkistan oblysyndaǵy «K-19» magıstraldy kanalyn sıfrlandyrý boıynsha birinshi joba sátti júzege asyryldy. Nátıjesinde 45 paıyzǵa kóbirek sý jumsalatyny anyqtalǵan.
Sýdy únemdeý maqsatynda mınıstrlik sý únemdeý tehnologıalary qoldanylatyn aýmaqty 2025 jylǵa qaraı 750 myń gektarǵa deıin jetkizýdi usyndy.
«Búgingi tańda arnalardyń 60%-y nashar jaǵdaıda. Bul sýdy tasymaldaý kezinde oryn alatyn joǵary shyǵynnyń negizgi sebebi», – delingen atalmysh mınıstrliktiń baspasóz qyzmetiniń habarlamasynda.
Osyǵan baılanysty 5 jyl ishinde uzyndyǵy shamamen 2,3 myń km bolatyn taǵy 120 arnany qaıta jańartý josparlanyp otyr.
«Arnalardy qalpyna keltirý jumystary turaqty túrde júrgizilýde. Máselen, 2019-2020 jyldary 1734 km kanal jóndelip, 111,5 gektar sýarmaly jer aınalymǵa engizildi. Bıylǵy jyldyń sońyna deıin 1050 shaqyrym kanaldardy qaıta jańǵyrtý josparlanyp otyr. Bul 78 myń gektar sýarmaly jerdi aınalymǵa engizýge múmkindik beredi», - dedi Maǵzum Myrzaǵalıev.