Kelesi jyly Qazaqstanda taǵy alty jol ýchaskesi aqyly bolady.
Olardyń jalpy uzyndyǵy 1,8 myń shaqyrymdy quraıdy, dep habarlaıdy Aqshamnews.kz.
2026 jyly aqyly bolatyn joldar:
- Qaraǵandy – Balqash: 363 shaqyrym;
- Býrylbaıtal – Kúrti: 228 shaqyrym;
- Aqtóbe – Qandyaǵash: 96 shaqyrym;
- Taldyqorǵan – Óskemen: 768 shaqyrym;
- Atyraý – Astrahan: 277 shaqyrym;
- Merki – Shý: 78 shaqyrym.
Kólik mınıstrliginde 2026 jyly tarıfterdi ózgertý josparda joq ekenin aıtty.
Tólem tásilderi ózgerissiz qalady. Búdjetke túsetin salmaqty azaıtý jáne ózin-ózi aqtaýdy qamtamasyz etý maqsatynda rekonstrýksıalaý jáne jóndeý jumystary aıaqtalǵan ýchaskelerde aqyly júıe engiziledi, – delingen habarlamada.
Zań boıynsha arnaıy kólikter qyzmettik mindetterin oryndaý kezinde aqyly joldarmen tegin júre alady. Mysaly jedel járdem, órt sóndirý qyzmeti, polısıa jáne basqalar.
Sondaı-aq, jeńildikterge turaqty jolaýshylar tasymalymen aınalysatyn avtobýstar ıe. Al jergilikti turǵyndar men uıymdardyń jeńil avtomobılderi óz aýdany ishindegi aqyly jolmen tegin júre alady.