Mamandar egin jınaý naýqany ýaqtyly bastaǵanyn atap ótti.
Qazaqstandaǵy dándi jáne dándi-burshaqty alqaptardyń 49 %-dan astamy jınaldy, dep habarlaıdy Almaty-akshamy.kz.
Mamandardyń aıtýynsha, egin jınaý jumystaryn júrgizý úshin respýblıkada 141,7 myń traktor, 73,5 myń traktor tirkemesi, 36,9 myń astyq jınaıtyn kombaın, 12,8 myń destelegish bar.
Egin jınaý jumystaryn ýaqytyly júrgizý úshin aýyl sharýashylyǵy taýaryn óndirýshiler 396,5 myń tonna jeńildetilgen dızel otyny bólindi. Energetıka mınıstrligimen birlesip, oblys operatorlaryn munaı óńdeıtin zaýyttarǵa(MÓZ) bekitý kestesi bekitildi. Osy jyldyń 2 qyrkúıegindegi jaǵdaı boıynsha kestege sáıkes shilde-qazan aılaryna josparlanǵan 396,5 myń tonnanyń 173,4 myń tonnasy (44%) tıep-jóneltildi.
«Aǵymdaǵy jyly aýyl sharýashylyǵy daqyldarynyń jalpy egis alańy 23 mln ga qurady (bul 2020 jylmen salystyrǵanda 322 myń ga artyq). Dándi jáne dándi-burshaqty daqyldar 16,1 mln ga (onyń ishinde bıdaı – 12,9 mln ga), maıly daqyldar-3,1 mln ga, kókónis jáne kartop – 473,8 myń ga, maqta-109,7 myń ga, qant qyzylshasy –21,7 myń ga, jemshóp daqyldary-3,2 mln ga alqapta ornalastyryldy»,– delingen Aýyl sharýashylyǵy mınıstrliginiń baspasóz qyzmetiniń habarlamasynda.
Mamandar bıyl egin jınaý naýqany ýaqtyly bastalǵanyn jáne respýblıka boıynsha barlyǵy 7,9 mln ga dándi jáne dándi-burshaqty daqyldar nemese jalpy jınaý alańynyń 49,4% jınalǵanyn aıtyp otyr.