Qazaqstan quramasy qaı orynǵa turaqtady
Qazaqstan Dúnıejúzilik shahmat olımpıadasyna qatysýyn aıaqtady, dep habarlaıdy Almaty- akshamy.kz sports.kz-ke silteme jasap.
Elimizdiń shahmattan áıelder quramasy 162 komandanyń ishinen 8-shi orynǵa ıe boldy. Jalpykomandalyq esepte Úndistan shahmatshylary jeńimpaz atanǵan.
Erler quramasy týrnırdi 188 komandanyń ishinde 20-shy orynmen aıaqtady. Bul básekede Ózbekstan erler quramasy birinshi orynǵa ıe boldy.
Búgin Dúnıejúzilik shahmat olımpıadasynyń sońǵy týrynda Qazaqstannyń áıelder jáne erler quramas Úndistannyń úshinshi qurama komandasymen oınady.
Sport Shredıngera Telegram arnasynyń habarlaýynsha, Qazaqstan áıelder quramasy Úndistandy 2,5-1,5 esebimen utqan.
Jeńiske Jansaıa Ábdimálik pen Bıbisara Asaýbaeva qol jetkizdi. Ksenıa Balabaeva teń oıynǵa tússe, Gúlisqan Nahbaeva jeńilip qalǵan.
Qazaqstandyq shahmatshylar Úndistanda ótken olımpıadany segiz jeńis, bir teń oıyn jáne eki jeńilispen aıaqtady.