Elimizde Qazaqstan esimdi 24 adam turady eken
2021 jyldyń 1 qazanyndaǵy málimet boıynsha, elimiz halqynyń sany 19,1 mln adamdy qurady. Bul ótken jylmen salystyrǵanda 1,3% kóp. 2020 jyldyń osy kezeńinde elde 18,8 mln adam boldy, dep habarlaıdy almaty-akshamy.kz ranking.kz saıtyna silteme jasap.
Óńirlerdi jeke qarastyrǵanda, turǵyndardyń basym bóligi Almaty oblysynda turady: 2,1 mln adam. TOP-3-ke Túrkistan oblysy (2,1 mln adam) jáne Almaty qalasy (2 mln adam) kirgen.
Eń az adam Soltústik Qazaqstan oblysynda tirkelgen: 539,4 myń adam. 2021 jyldyń 18 qarashasyndaǵy jaǵdaı boıynsha, elde Qazaqstan esimdi 24 adam turady. Qazaqstan esimdi adamdardyń basym bóligi Aqmola oblysy men elordada turady – ár óńirde 6 turǵynnan bar. Budan bólek, Qaraǵandy oblysynda – tórt, Qostanaı oblysynda – úsh, Shymkent qalasynda – eki, Almaty, Batys Qazaqstan jáne Mańǵystaý oblystarynda bir-birden Qazaqstan esimdiler turady.
Qazaqstandyqtar balalaryna elimizdiń iri qalalarynyń attaryn da bergen (QR-da olardyń 18-i turady).
Elimizde 28 – Semeı, 21 — Almaty, 18 Túrkistan esimdi adam bar.