Qazaq boksshylary 4 altyn, 1 kúmis medal jeńip aldy
Tashkentte erler arasynda bokstan aıaqtalǵan álem chempıonatynda Qazaqstan quramasy medaldar kestesinde ekinshi orynnan kórindi, dep habarlaıdy Almaty-akshamy.kz QazAqparatqa silteme jasap.
Qazaqstandyqtar 4 altyn, 1 kúmis medal jeńip alyp, sońǵy on jyldaǵy úzdik nátıjege qol jetkizdi.
Budan 10 jyl buryn Almatyda ótken dúnıejúzilik dodada Qazaqstan quramasy 4 altyn, 2 kúmis, 2 qola alǵan edi.
Tashkenttegi dodada sharshy alań ıeleri - ózbekstandyq boksshylar 5 altyn, 2 kúmis, 2 qolamen kósh bastady.
Reseı quramasy (2 altyn, 4 qola) úzdik úshtikti túıindedi.
Jalpy medaldar kestesi:
1.Ózbekstan (5-2-2).
2.Qazaqstan (4-1-0).
3.Reseı (2-0-4).
4.Kýba (1-3-2).
5.Fransıa (1-1-1).
6.Grýzıa (0-1-2).
7.Mońǵolıa (0-1-1).
7.Brazılıa (0-1-1).
7.Ázirbaıjan (0-1-1).
10.Qytaı (0-1-0).
10.Italıa (0-1-0).
12.Úndistan (0-0-3).
12.Ispanıa (0-0-3).
14.Armenıa (0-0-2).
15.Qyrǵyzstan (0-0-1).
15.Iordanıa (0-0-1).
15.Tájikstan (0-0-1).
15.Meksıka (0-0-1).
Chempıonatta Halyqararalyq boks federasıasynyń (IBA) sheshimimen jeńimpazdarǵa - 200 myń, kúmis medal alǵandarǵa - 100 myń, qola júldegerlerge 50 myń dollardan berildi.
Qazaqstandyq boksshylar barlyǵy 1,3 mln dollar tabys tapty.
Eske sala keteıik, budan buryn Mahmud Sabyrhannyń ózbek boksshysyn qos nokdaýnmen utyp, álem chempıony atanǵanyn jazǵan bolatynbyz.
Sondaı-aq Ózbekstan quramasyndaǵy qazaq jigiti álem chempıony atandy.
Qurama kapıtany Aslanbek Shymbergenov Qazaqstan qorjynyna úshinshi altyndy saldy.
Nurbek Oralbaı Qazaqstannan tórtinshi bolyp álem chempıony atandy.
Qasym-Jomart Toqaev bokstan ótken álem chempıonatynyń jeńimpazdaryn quttyqtady.