QTJ jelisindegi tıeý 2024 jyldyń qańtar aıynda 20,2 mln tonnany qurady.
El ishinde temirjol kóligimen tasymaldaý 2023 jyldyń sáıkes kezeńimen salystyrǵanda 4,7% artyp, 13,2 mln tonnaǵa jetti. Eksport 7 mln tonnany qurady, dep habarlaıdy Almaty-akshamy.kz «Qazaqstan temirjolshysy» basylymyna silteme jasap.
QTJ-nyń negizgi áleýmettik júkteri – tas kómirdi tıeý kólemi – 9 mln tonnany qurady, el ishinde 6,5 mln tonnadan astam.
QTJ jelisinde ekinshi áleýmettik júk – astyqtyń 720 tonnadan astamy tasymaldandy, onyń ishinde eksport - 560 myń tonna.
Munaı júkteri 2023 jylǵy qańtarǵa qaraǵanda 4,8% kóp tıelip, 1,6 mln tonnaǵa jetti. Eksport 34,7%, ıaǵnı 490 myń tonnadan astamǵa ósti. El boıynsha qara metal tasymaly 33,6% artty. Hımıalyq tyńaıtqyshtardy tıeý 10,3% ósti. Eksport 71%, 127 myń tonnaǵa deıin kóbeıdi.
Sondaı - aq, temir jáne marganes kenderin tıeý boıynsha oń dınamıka baıqalady – plús 30,7%, 1,5 mln tonnaǵa deıin, tústi ken – plús 22%, 1,9 mln tonnaǵa deıin. Esepti aıda qurylys júkterin tıeý 687 myń tonnany qurady.