Taqyryp – balalar qaýipsizdigi.
«Quqyqqa qaıshy kontentti anyqtaý boıynsha turaqty negizde monıtorıń júrgiziledi, dep habarlaıdy Almaty-akshamy.kz
«Qazirgi ýaqytta Qazaqstan Respýblıkasynyń aýmaǵynda ınternet-resýrstar men onlaın-platformalar «Onlaın-platformalar jáne onlaın-jarnama týraly» jáne «Balalardyń densaýlyǵy men damýyna zardabyn tıgizetin aqparattan qorǵaý týraly» zańdardyń talaptaryn saqtaıdy», - dep jaýap berdi zańǵa qaıshy kontentti taratatyn ınternet-resýrstar men onlaın-platformalarǵa qatysty qabyldanyp jatqan sharalar týraly depýtattyq saýalǵa premer-mınıstrdiń birinshi orynbasary Roman Sklár.
Sklár buzýshylyqtar anyqtalǵan kezde olardy joıý týraly eskertýler jiberiledi, sondaı-aq materıaldar men ınternet-resýrstarǵa qol jetkizý bas prokýrordyń nemese onyń orynbasarlarynyń usynýy boıynsha, sondaı-aq ýákiletti organnyń nusqamasy boıynsha sot tártibimen ne «sottan tys buǵattaý» tártibimen toqtatylady dedi. Tehnıkalyq sharalardy baılanys operatorlary men «Memlekettik tehnıkalyq qyzmet» AQ qabyldaıdy (2023 jyly 526 buzýshylyq anyqtaldy. 1 naýryzǵa 99 buzýshylyq anyqtaldy, 59 habarlama haty jiberildi (kórineý jalǵan aqparat taratqany úshin – 34; jınalysty, mıtıńini, sherýdi, pıketterdi uıymdastyrý nemese ótkizý týraly – 16; separatıstik qyzmet týraly – eki; konstıtýsıalyq qurylysty kúshtep ózgertýdi nasıhattaý – eki; ultaralyq alaýyzdyqty qozdyrý – 45), dedi.
«Quqyqqa qaıshy kontentti anyqtaý boıynsha turaqty negizde monıtorıń júrgiziledi (2023 jyly 44630 zańsyz materıal joıyldy, onyń ishinde 10142 zańsyz kontent balalardyń densaýlyǵy men damýyna zardabyn tıgizetin aqparat, 2024 jyly - 3432 materıal joıyldy, onyń ishinde 2137 buzýshylyq balalarǵa qatysty)», - dep jaýap berdi birinshi vıse-premer.
«2023 jyly Qazaqstanda «ByteDance» kompanıasyna tıesili TikTok resmı ókildigi ashyldy (Ortalyq Azıadaǵy memlekettik bılik organdarymen jumys jónindegi basshy – Dmıtrıı Pylev). TikTok platformasynyń barlyq paıdalanýshylary úshin halyqaralyq quqyqtyq normalarǵa negizdelgen biryńǵaı erejeler men standarttar qoldanylady», - dep málimdedi úkimet basshysynyń birinshi orynbasary.
«TikTok platformasyn retteý jáne paıdalaný salasyndaǵy halyqaralyq tájirıbe zerttelýde. Birqatar batys elderi ony paıdalanýdy buǵattaý nemese shekteý boıynsha sharalar qabyldaýda. Osyǵan baılanysty ınternet-resýrstar men onlaın-platformalardyń ókilderimen birlesip, bizdiń ulttyq erekshelikterimiz ben qajettilikterimizdi eskere otyryp, olardy beıimdeý boıynsha jumys keńesterin ótkizýde», - dedi Sklár
Sonymen qatar ol aǵymdaǵy jyldyń naýryz aıynda TikTok jáne Meta ókilderimen onlaın-kezdesý josparlanyp otyrǵanyn, onda onlaın platformalarda jalǵan aqparatqa tyıym salý jáne ornalastyrý, sondaı-aq olardy joıý boıynsha onlaın-platformalardyń ıelerine qoıylatyn jańa talaptar talqylanatynyn aıtty.