3h3 U-18 týrnırin Halyqaralyq basketbol federasıasy 2001 jyldan beri ótkizip keledi. 18 jasqa deıingi jastar ulttyq qurama komandalary arasyndaǵy iri dodada kil myqtylar baq synamaq, dep habarlaıdy Almaty-akshamy.kz Inform.kz-ke silteme jasap.
D tobyna túsken Qazaqstan quramasy Ýkraına, Lıtva, Bahreın jáne Brazılıa oıynshylarymen kezdesedi.
Qurama bapkeri Rıvhat Babekenov jattyǵý jıyndarynyń qalaı ótkeni, jastardyń jalpy daıyndyǵy, Qazaqstannyń bul týrnırdegi múmkindikteri jaıynda pikir bildirdi.
«Jattyǵý jıyndary jaqsy deńgeıde ótti. Meniń qolymda 6 kandıdat boldy. Radıslav Rodıonov, Stepan Iakýbovıch, Ámir Tashımov, Eldar Hılajev, Ánýar Argınbaev jáne Tımýr Batyrkýl. Tek alǵashqy eki bala buryn birge oınaǵan, olardyń biri Radıslav Rodıonov ótken jylǵy jastar Álem Kýbogynda óner kórsetý tájirıbesi bar, qalǵan úmitkerler túrli komandalardan jınalǵan. Bizdiń qoıǵan maqsat mindetterimizdiń biri de sol boldy: olar bir-birin jaqsy túsinip, qalaı jumys isteý kerektigin bilý úshin oıyndy uıymdastyrdyq. Bul bizdiń qolymyzdan keldi dep oılaımyn. Jalpy, ulttyq quramanyń oıynshylaryn daıarlaýdyń jeke kezeńi qanaǵattanarlyq jaǵdaıda. Biz jattyǵýdy shamamen bir aı buryn bastadyq. Aldymen biz dene shynyqtyrýǵa nazar aýdardyq, sodan keıin komandalyq qarym-qatynasqa kóńil bóldik. Osy múmkindikti paıdalanyp Forum Hoops uıymyna alǵysymdy aıtqym keldi. Olar bizge jattyǵý prosesine yńǵaıly keste boıynsha oıyn alańyn usyndy», - deıdi ol.
Sondaı-aq, ol Qazaqstannyń bıylǵy qarsylastary jóninde de sóz qozǵady.
«Osy jyly biz Ýkraına, Lıtva, Bahreın jáne Brazılıa quramalarymen bir topqa tústik. Bul álem chempıonaty bolǵandyqtan oń jambasymyzǵa keletin ońaı qarsylys bolady deý qıyn. Sondyqtan, bizdiń múmkindikterimizdi eskere kele, Qazaqstannyń álemdik deńgeıdegi jarysqa shyǵýynyń ózi úlken jetistik dep oılaımyn. Árıne, biz shaıqasqa daıynbyz. Barymyzdy salyp, bizdiń elde de 3h3 basketbol bar ekenin kórsetip, jeńiske umtylmaq nıettemiz. Degenmen, joǵaryda atalǵan árbir quramanyń óz myqty tusy bar. Jaqsy oıyn bolady dep senemiz», - dedi bapker.
Aıta ketelik, Qazaqstan komandasy alǵashqy machty Lıtvaǵa qarsy ótkizedi.
Esterińizge sala keteıik, ótken jyly Rıvhat Babıkenovtyń jetekshiligimen 3h3 basketboldan jastar quramasy álem kýbogynyń shırek fınalyna deıin jetti.
Qazaqstan quramasy alǵashqy oıynyn 24 tamyz kúni Lıtva quramasyna qarsy ótkizedi.
U18 Álem kýbogy 28 tamyzǵa deıin jalǵasady.