Qazaqstandyq omartashylar shamamen 10 myń tonna bal jınamaq.
Qazir kósh basynda Qytaı tur. Tıisti qoldaý bolsa, omartashylar óndiristi arttyrmaq nıette. Biraq ol úshin mamandardy kóbeıtý qajet. Byltyr osynaý mejege jetýge óńirlerdegi qýańshylyq kedergi bolsa, koronavırýs pandemıasy da kesirin tıgizdi. Endi jaǵdaı ońalǵandaı boldy. Qazir elde 12 myń omartashy bar.dep habarlaıdy Almaty-akshamy.kz «Habar 24»-ke silteme jasap.
Omartashylar odaǵy prezıdentiniń – orynbasary Ǵabıt Nurádildiń aıtýynsha, kásipkerler sanyn 100 myńǵa jetkizýge bolady.
"Omartashylyq – óte berekeli kásip. Ókinishke qaraı, qadirin túsinip jatqandar az. Biz omartashylarymyzdyń sany 100 myńnan asqanyn qalaımyz. Barlyǵyn úıretip, salanyń qyr-syryna qanyqtyrýǵa daıynbyz. Buǵan «Agrobilim» baǵdarlamasynyń da kómegi tıer edi. Bir maýsymda ár omartashy 100 keli bal óndirse, 1 mln-ǵa qınalmaı jeter ek. Osylaısha, óndiris kólemi jaǵynan Qytaıdan keıin ekinshi orynǵa shyǵa alamyz", - deıdi QR Omartashylar odaǵynyń vıse-prezıdenti Ǵabıt Nurádilov.
Qazir otandyq baldy qazaqstandyqtardan góri, Saýd Aravıasy, BAÁ, Ózbekstan jáne Qytaı halqy kóp tutynady. 200 tonnasyn eksporttaımyz. Tátti ónimniń kelisi 1500-2000 tg aınalasynda. Elde paıdasy orasan bola tura, baǵasy turaqty jalǵyz ónim osy. Alaıda, tutyný mólsheri tym az. Ár turǵyn jylyna 5 gram ǵana bal jeıdi eken. Onyń ózi Reseı, Qyrǵyzstan, Qytaıdan kelgen ónimder. Sebebi baǵasy arzanyraq, biraq sapasy tómen.