Sheteldikter 100 suraqtan turatyn test tapsyrady.
Ǵylym jáne joǵary bilim mınıstrligi emtıhan tapsyrýdyń erejelerin ázirledi, dep habarlaıdy Almaty-akshamy.kz
Qujat qoǵam talqysyna shyǵaryldy. Jańashyldyqqa saı, synaqtan súrinbeı ótý úshin keminde alpys upaı jınaý qajet. Emtıhanda qazaq tilinen tyńdalym boıynsha 20, oqylym boıynsha 40 suraq qoıylady.
Condaı-aq, el azamaty bolǵysy keletinderdiń Konstıtýsıa negizderi men Qazaqstan tarıhy boıynsha da bilimderi baǵalanady. Testileýge barlyǵy 2 saǵat 10 mınýt ýaqyt beriledi.
Myna tulǵalar synaqtan bosatylady:
kámeletke tolmaǵandar;
áreketke qabiletsiz tulǵalar;
Qazaqstanǵa sińirgen erekshe eńbegi nemese qajetti kásibi bar tulǵalar;
etnıkalyq qazaqtar;
halyqaralyq sharttar boıynsha azamattyqty jeńildetilgen alý quqyǵy bar adamdar.
Testileýge ótinimder belgili bir kezeńderde qabyldanady:
10 qańtardan 20 qańtarǵa deıin;
10 sáýirden 20 sáýirge deıin;
10 shildeden 20 shildege deıin;
10-20 qazan aralyǵynda.
Memleket basshysy Qasym-Jomart Toqaev qazaq tilin jáne tarıhyn bilmeıtinderge azamattyq bermeý týraly zańǵa qol qoıǵan edi.