Sharaǵa álemniń 17 eliniń áskeri qatysýda
Túrkıanyń shyǵysyndaǵy Kars provınsıasynda «Qys-2023» eń iri áskerı jattyǵýlary ótip jatyr. Bıyl áskerı manevrlerge qazaqstandyq áskerler de qatysyp jatyr, dep habarlaıdy Almaty-akshamy.kz.
Sharaǵa álemniń 17 eliniń áskeri qatysýda.
Jattyǵýlar 10 qańtarda bastalyp, Túrik Qarýly Kúshteriniń 14-shi motoatqyshtar brıgadasy qolbasshylyǵynyń jaýapty aımaǵyndaǵy atys polıgonynda ótip jatyr. Jattyǵýlardy úılestirý Túrkıa Respýblıkasy Qarýly Kúshteri Qurlyq áskerleriniń 9-shy korpýsynyń qolbasshylyǵyna júktelgen.
Jalpy, qysqy oqý-jattyǵýlarǵa 1758 áskerı qyzmetker qatysyp, 651 tehnıka jumyldyrylǵan, 865 qarý-jaraq qoldanylýda. Oqý-jattyǵýlarǵa sondaı-aq avıasıa, tank brıgadalary, artılerıalyq bólimsheler, mınometshiler men mergender, sondaı-aq arnaıy jasaq bólimsheleri tartyldy.
Komandalardy daıyndaýdyń negizgi mindeti - qysqy jaǵdaıda tehnıkalyq qyzmet kórsetý jáne baqylaý júıesiniń jumysyn qamtamasyz etý. Jalpy mindetter aıasynda birlesken is-qımyldar kezinde ózara is-qımyl men úılestirýdi qamtamasyz etý, jaýyngerlik tehnıkanyń jumysyn baqylaý, sondaı-aq bólimshelerdiń arnaıy múmkindikterin qamtamasyz etý boıynsha áskerlerdiń daıyndyq deńgeıi tekseriledi.
QazAqparattyń málimetinshe, qazaqstandyq áskerı qyzmetshiler mundaı oqý-jattyǵýlarǵa 2022 jyly Qazaqstannyń arnaıy operasıalyq kúshteri qurylǵannan beri alǵash ret qatysýda. Olar halyqaralyq deńgeıde jaýyngerlik daıyndyqta aıtarlyqtaı jaqsy nátıjeler kórsetýde.
Jattyǵýlar 2 aqpanda aıaqtalady.