Reseı gazyn Qazaqstan aýmaǵy arqyly Ózbekstanǵa jetkizý kólemi 2026 jyldan bastap 4 esege jýyq artady.
Iaǵnı, kógildir otyn tasymaly qazir jylyna 3 mlrd tekshe metr bolsa, endi 11 mlrd tekshe metrge jetedi degen jospar bar, dep habarlaıdy Almaty-akshamy.kz.
«Gazprom» habarlaýynsha, tasymal quny byltyr bir tekshe metrine 160 dollardy quraǵan. Bul Túrkıa men Qytaıǵa jetkizý qunymen salystyrǵanda áldeqaıda tómen. Reseıdiń «Gazprom» kompanıasy 2023 jyly Ózbekstanmen 2 jylǵa kelisimshart jasasqan. Kelisim boıynsha táýligine 9 mln tekshe metr gaz jetkizý jospary bar. Aıta keteıik, ózbek eli Qazaqstan aýmaǵy arqyly Reseı gazyn ımporttaýdy byltyr qazan aıynda bastady. Jeltoqsanda energetıkalyq tapshylyq týyndaǵan soń, Tashkent gaz tasymaly kólemin eki esege arttyrdy