Global Firepower uıymy 2025 jylǵa arnalǵan áskerı qýat reıtıńiniń jańartylǵan nusqasyn usyndy. Bul tizimde Qazaqstan óziniń pozısıasyn nyǵaıtyp, 57-orynǵa kóterildi. Al 2024 jyly álemdik armıalar reıtıńinde 58-orynda bolǵan edi.
Ortalyq Azıa kórshileriniń ishinde Qazaqstanǵa eń jaqyn ornalasqan Ózbekstan 58-orynda. Basqa elderdiń nátıjeleri kelesideı: Túrikmenstan – 77-oryn, Qyrǵyzstan – 105-oryn, Tájikstan – 108-oryn.
Jekelegen kórsetkishter boıynsha da Qazaqstan aıtarlyqtaı nátıjelerge jetti:
- Reaktıvti zalptyq ot júıeleriniń sany boıynsha 17-oryn (407 birlik).
- Ózi júretin artılerıa sany boıynsha 21-oryn.
Reıtıńtiń birinshi ornynda burynǵydaı AQSH tur, ekinshi orynda – Reseı, úshinshide – Qytaı. Tizimniń alǵashqy bestigine Úndistan men Ońtústik Koreıa kirgen. Al eń sońǵy orynda Býtan ornalasqan.
Global Firepower reıtıńi birneshe jyldan beri jarıalanyp keledi. Zertteýshiler álemniń 145 eliniń armıalaryn 50-den astam parametr boıynsha saraptaıdy. Oǵan armıa men basqa da áskerı qurylymdardyń sany, olardyń qarjylandyrylýy, elderdiń geografıalyq jaǵdaıy kiredi. Degenmen, negizgi nazar áskerı áleýetke aýdarylady: qarý-jaraqtyń túrleri, ásker sany, rezervıser jáne t.b.
2023 jyly Qazaqstan armıasy reıtıńte birden bes orynǵa kóterilip, 63-orynnan 58-orynǵa shyqqan edi. Ekonomıs jáne qoǵam qaıratkeri Aıdar Álibaevtyń aıtýynsha, Qazaqstan armıasynyń Global Firepower tiziminde joǵarylaýy eldiń áskerı áleýetin arttyrýǵa baǵyttalǵan jumystardyń nátıjesi.