Elimiz jylystatýǵa qarsy salanyń táýelsiz reıtıńinde óz pozısıasyn edáýir jaqsartyp, 110 eldi artta qaldyrdy.
Bazel basqarý ınstıtýty jyl saıynǵy "Basel AML Index" reıtıńin jarıalady, dep habarlaıdy aqshamnews.kz
Aqshany jylystatýǵa jáne terorızmdi qarjylandyrýǵa qarsy is-qımyl salasyndaǵy eń bedeldi derekkózdiń qujatyna sáıkes Qazaqstan Respýblıkasy 4,65 balmen 111-shi orynda turaqtady.
AJ/TQQ táýekeli 10 baldyq shkala boıynsha baǵalanady (munda 10 – eń joǵary táýekel, 0 – eń tómengi táýekel).
Eske sala keteıik, 2023 jyly Qazaqstan 4,71 balmen 100-shi orynda bolǵan.
Osylaısha, el 2012 jyldan beri jarıalanǵan reıtıń tarıhyndaǵy eń jaqsy nátıjesin jańartty. Tek sońǵy 4 jylda reıtıńte 2020 jylǵy 73 orynnan aǵymdaǵy jyly 111 orynǵa deıin úlken serpilis jasaldy.
Qazaqstan AQSH, Japonıa, Sıngapýr, Qytaı, Katar, Italıa, Vengrıa jáne Túrkıa sıaqty elderdi artta qaldyrdy.
Eń az táýekelge ushyraǵan 5 eldiń qataryna San-Marıno, Islandıa, Fınlándıa, Estonıa, Andorra, Shvesıa kirdi.
2024 jyly Indeks (qoǵamdyq nusqa boıynsha) 164 eldi baǵalady jáne aqshany jylystatý men terorızmdi qarjylandyrýdyń (AJ/TQQ) joǵary táýekelderine yqpal etetin ártúrli faktorlardy ólsheıtin 5 saladaǵy 17 kórsetkishke negizdelgen.
Sonymen qatar, reıtıń ádistemesine alaıaqtyqtyń aqshany jylystatýǵa baılanysty predıkattyq qylmys retinde ósip kele jatqan táýekelderin kórsetetin ózgerister engizildi.
Aıta keteıik, Qazaqstannyń pozısıasyn jaqsartýǵa eldiń AJ/TQQ qarsy is-qımyl júıesiniń barlyq qatysýshylarynyń tıimdi jáne úılesimdi jumysynyń arqasynda qol jetkizildi.
QMA FATF halyqaralyq standarttaryna sáıkes kelý úshin Ulttyq "jylystatý" júıesin nyǵaıtý jumysyn jalǵastyrýda.
Anyqtama: "Basel Anti-Money Laundering Index" ındeksi 2012 jyldan bastap shyǵarylady jáne BUU-nyń qylmystyń aldyn alý jáne qylmystyq sot tóreligi salasyndaǵy baǵdarlamasynyń qoldaýymen jumys isteıdi.
Zertteý nátıjelerin halyqaralyq, memlekettik, qarjylyq jáne komersıalyq mekemeler eldik táýekelderdi baǵalaý úshin táýelsiz salystyrmaly taldaý quraly retinde paıdalanady.