39 preparat satyp alyndy, onyń 9-y alǵash ret Qazaqstanda satyp alyndy, onyń ishinde álemdegi eń qymbat «Zolgensma» preparaty bar. Satyp alýdyń jalpy somasy 31,6 mlrd teńgeni qurady. Ahondroplazıamen aýyratyn 10 bala súıektiń ósýin yqpal etetin ınovasıalyq Vokssogo (Vosorıtıd) preparatyn qabyldaýdy bastady.



«Ataýly kómek kórsetý boıynsha keńeıtilgen tásilder men algorıtmderdi engizý aıasynda 25 pasıent shetelge emdelýge jiberildi, oǵan 460 mln teńge jumsaldy. Shetelge biz bas medısınalyq uıymdardyń qandaı da bir baǵyttar boıynsha qorytyndylary bar erekshe jaǵdaılarda jiberemiz. Birinshiden, bul aýrýlar bizdiń elde emdelmeýi tıis. Ekinshiden, eger emdelmese jáne búdjetten qarajat ala almasa. Onkologıalyq naýqastardan shetelde emdeý boıynsha ótinishter óte kóp», – dep atap ótti spıker.



Sondaı-aq 13 aımaqtaǵy 28 medısınalyq uıymǵa oftalmologıalyq skrınıngke, shala týylǵan nárestelerdiń retınopatıasyn emdeýge arnalǵan jabdyqtar jetkizildi. Bul damymaǵan kórý organdaryn erte anyqtaýǵa jáne emdeýge, balalardyń múgedektigin boldyrmaýǵa múmkindik beredi.


S. D. Asfendıarov atyndaǵy QazUMÝ ýnıversıtettik klınıkasynda 2023- jyldyń mamyrynan jeltoqsanyna deıin múıizdi qabyqty transplantasıalaý boıynsha 93 ota jasaldy. Shuǵyl qasań qabyqty transplantasıalaýdy qajet etetin 304 pasıent transplantasıa arqyly kórý qabiletin qalpyna keltire aldy. Qazaqstanda donorlyq materıaldyń tapshylyǵyna baılanysty qasań qabyqtardy tasymaldaý AQSH-tan júzege asyrylady. Jobanyń búdjeti -374 mln teńge.



«Dárigerler qordyń aqshasy qajet emes deıdi. Bizdiń elde máıit donorlyǵy qaıtadan iske qosylýy úshin zańdy ózgertý kerek. Biz Úkimet pen jurtshylyqty transplantasıa, máıit donorlyǵy týraly zańnyń ózgerýine ıtermeleý úshin Densaýlyq saqtaý mınıstrligimen birlesip tıisti konferensıa ótkizdik. Bizdiń el osyǵan baılanysty reıtıńtiń eń tómengi deńgeıine túsip ketti. 4 myń adamǵa aǵzalardy shuǵyl transplantasıalaý qajet», – dep túıindedi spıker.