Býdapeshte ótip jatqan Shahmat Olımpıadasynda álemniń eń úzdik komandasy ataný úshin shahmat básekeleri jalǵasýda. Altynshy týrdyń nátıjesi boıynsha Qazaqstannyń áıelder quramasy 12-orynnan 6-orynǵa kóterildi, dep habarlaıdy aqshamnews.kz.
Erler quramasy ázirge qyzdardyń jetistigine jete almaı keledi. Olar 39-orynnan 35-orynǵa kóterildi.
Qazirgi ýaqytta shahmat olımpıadasynda kóshbasshy retinde Úndistannyń áıelder jáne erler quramalary alty mach boıynsha jeńimpaz retinde erekshelenip otyr. Vetnam, Qytaı jáne Iran komandalarynyń 5 jeńisi jáne 1 teń oıyny bar.
18 qyrkúıekte ótetin 7-týrda Qazaqstan komandalary Ázerbaıjan quramasymen kezdesedi.
45-shi shahmat olımpıadasy 11-22 qyrkúıek aralyǵynda Býdapeshte ótip jatyr. Týrnır shveısarıalyq júıe boıynsha 11 týrdan turady, ár mach 4 partıadan quralǵan jáne klasıkalyq ýaqyt baqylaýy qoldanylady. Ashyq týrnırge 197 komanda qatysýda.